Gürcüstan Maliyyə Nazirliyinin İstintaq Xidməti tərəfindən aparılan əməliyyat-axtarış və istintaq tədbirləri nəticəsində,

virtual aktiv xidmətləri göstərən qeydiyyatsız provayder şirkətinin üç meneceri saxlanılıb.

İstintaqla müəyyən edilib ki, saxlanılan şəxslərin idarə etdiyi şirkət, Gürcüstan Milli Bankında zəruri qeydiyyatdan keçmədən, onlayn platformalar, mobil tətbiqlər və müxtəlif ölkələrdəki xidmət ofisləri vasitəsilə həm Gürcüstan ərazisində, həm də onun hüdudlarından kənarda fəaliyyət göstərib.

Şirkət virtual aktivlərin nağd pula konvertasiyası ilə məşğul olub və ölkəyə beynəlxalq nəzarətsiz maliyyə tranzaksiyalarının həyata keçirilməsinə şərait yaradıb. Qeyd olunub ki, bu şirkət vasitəsilə yüz milyonlarla larinin ekvivalentində virtual aktiv tranzaksiyaları aparılıb. Böyük gəlir əldə olunmasına baxmayaraq, şirkət dövlət büdcəsinə vergi ödəməyib.

Aparılan istintaq tədbirləri nəticəsində saxlanılan şəxslərin daşınan və daşınmaz əmlakına əl qoyulub. Tbilisidə D. Ağaşenebeli prospektində yerləşən ofislərdən isə külli miqdarda nağd pul, kompüter avadanlığı və sənədlər götürülüb.

İstintaq Gürcüstan Cinayət Məcəlləsinin 192-ci maddəsinin ikinci hissəsinin “a” bəndi ilə aparılır ki, bu da 3 ildən 5 ilə qədər azadlıqdan məhrumetmə cəzasını nəzərdə tutur.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---