Tomat şirəsi ürək-damar sağlamlığını yaxşılaşdırmağa kömək edir.

"Marneuli" radiosu xəbər verir ki, bu barədə Rusiya Dövlət Təhsil Universitetinin “Təbiət elmləri” fakültəsinin dekanı vəzifəsini icra edən İrina Lyalina danışıb.

Pomidora qırmızı rəng verən təbii boya olan likopendir. Bu maddə antioksidant xüsusiyyətlərə malikdir. Bunun sayəsində tomat suyu ürək-damar sisteminin sağlamlığını yaxşılaşdırır: qan damarlarının elastikliyini artırır və qan laxtalanma riskini azaldır.

“Ən çox likopen artıq yetişmiş pomidordadır, əsasən də qabıq hissəsində. Tomat şirəsi hazırlayarkən (məsələn, qaynama və ya sterilizasiya) vitaminlərin bir hissəsi məhv olur, lakin likopenin miqdarı, əksinə, hər hansı bir istilik emalı ilə artır. Ən çox likopen günəşdə qurudulmuş pomidorda olur”, - bioloq qeyd edib.

Bundan əlavə, tomat şirəsi ödqovucu və iltihab əleyhinə xüsusiyyətlərə malikdir. Onu gündə iki stəkana qədər içmək olar, lakin duz, şəkər və konservantlar olmayan içkiləri seçmək daha məsləhətlidir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---