Britaniyada peyinlə işləyən dünyada ilk traktor
yaradıblar.
Yeni texnologiyanın iqlim dəyişikliyi ilə mübarizədə kömək edəcəyi
güman edilir.
İstehsalçı Kornuolladan olan “Bennamann” şirkətidir. Traktor güc
baxımından dizel yanacağı ilə işləyən rəqiblərindən heç də aşağı
səviyyəli deyil.
Məlumdur ki, bu şirkət 10 ildən artıqdır biometan istehsalı
sahəsində tədqiqat və təkmilləşdirmə işləri ilə məşğuldur.
270 at gücündə olan
New Holland T7 Methane Power LNG traktoru
yalnız maye metanla işləyir.
“Əslində yanacaq cəmi 100 baş inək sürüsünün tullantı
məhsulları yığılmaqla təmin edilir. Fermada həmçinin biometan
anbarı tikilməlidir - bundan sonra uçucu metan kimi tanınan qaz
emal olunur, sıxılır və aşağı emissiyalı yanacağa çevrilir.
Traktorda metanı maye formada saxlayan kriogen çən quraşdırılıb -
bunun üçün -162 dərəcə temperatur lazımdır. Nəticədə, traktor eyni
gücü əldə edir, lakin emissiyalara əhəmiyyətli dərəcədə qənaət
edir”, - hazırlayanlar qeyd ediblər.
Bildiyiniz kimi, metan Yer atmosferindən karbon qazından daha tez
buxarlanır, eyni zamanda 20 il ərzində atmosferi karbondan 80 dəfə
qızdırmaq qabiliyyətinə malikdir. Bu baxımdan metanın çıxarılması
və istifadəsi qlobal istiləşmə ilə mübarizədə müsbət
nəticələnəcəyinə inanılır.
Mənbə: lent.az