ABŞ Federal Ticarət Komissiyası (FTC) Amazon şirkətinə qarşı
məhkəmə iddiası qaldırmağı təklif edib.
Komissiyanın fikrincə şirkətin Alexa səsli köməkçisinə sahib smart
səsgücləndiriciləri 13 yaşına kimi olan uşaqların məlumatlarını
yığır və bu məsələdə valideynlərin icazələrini əldə etmirlər. Bu,
uşaqların internetdəki konfidensiallıqlarının qorunması üzrə olan
qanuna (COPPA) zidd olaraq yerinə yetirilir. ABŞ-ın Ədliyyə
Nazirliyi FTC adından Amazon-a qarşı
artıq bu ay məhkəmə iddiası
qaldıra bilər. Hüquq müdafiəsi ilə məşğul olan təşkilatlar 2019-cu
ildə FTC-yə müraciət etmişdilər.
Müraciətin əsas məqsədi isə Amazon-un smart səsgücləndiricilərinin
uşaqların şəxsi həyatlarının toxunulmazlıqlarını
pozub-pozmadıqlarını öyrənmək idi. Hüquq müdafiəsi təşkilatlarının
fikirlərinə əsasən şirkət smart səsgücləndiricilər tərəfindən
yazılan səsləri bilinməyən müddət ərzində özündə saxlayır.
Bəzi hallarda isə şirkət bunu hətta istifadəçilərin səs yazılarını
silmə cəhdləri halında da reallaşdırır. Aktivistlər düşünürlər ki,
şirkət bu üsul ilə valideynlərdən onların övladları barəsində
məlumatların yığılması məsələsində icazə almır. Alexa-nın bir çox
tətbiqi isə ümumiyyətlə konfidensiallıq siyasətinə sahib deyil.
Qeyd etmək lazımdır ki, şirkətin portfoliosunda uşaqlar üçün
nəzərdə tutulmuş Echo adlı smart səsgücləndirici mövcuddur. Amazon
bildirib ki, onun Kids+ proqramı COPPA-nın bütün tələblərinə
uyur.
Mənbə: technote.az