Yaponiyada əmək qabiliyyətli 1,5 milyon insanın sosial təcrid
şəraitində yaşadığı bildirilir.
Yaponiya dövlətinin tapşırığı ilə aparılan araşdırmaya görə, bu
insanların beşdə biri Covid-19 pandemiyasının yaratdığı psixoloji
təzyiq nəticəsində özlərini cəmiyyətdən təcrid edib.
Hikikomori adlanan bu insanların əksəriyyəti münasibətlərindəki
problemlər, işlərini itirdikləri və ya buna bənzər digər səbəblərə
görə, cəmiyyətdən uzaqlaşdıqlarını bildiriblər. Həmin insanların
20,6 faizi pandemiya
müddətində tətbiq edilən məhdudiyyətlərdən
sonra həyat tərzini dəyişib.
Özünü cəmiyyətdən təcrid edən və günün bütün hissəsini evlərində
təcriddə keçirən bu insanların nisbəti 15-62 yaş qrupunda 2 faiz
olaraq açıqlanıb.
Sorğu ötən ilin noyabrında 10-69 yaş arasında olan 30 min insan
arasında keçirilib.
Araşdırmaya görə, 15-39 yaş arası gənclərin beşdə birindən çoxu 6
ay ilə 1 il arasında sosial təcriddə yaşayıb. 20 faizdən çoxu insan
münasibətlərində problemləri olduğunu bildirsə də, 18 faizdən çoxu
səbəb kimi pandemiyanı göstərib.
Yaponiyada tənha insanlarla yoldaşlıq etmək üçün süni intellektli
robot istehsal edilir. İnsanların tənhalığına çarə olaraq onlayn
dünya yaradılıb. Burada cəmiyyətdən təcrid olunmuş insanlar öz
avatarları ilə digər şəxslərin avatarları ilə münasibət qura
bilirlər.
Rəsmi şəxslərin fikrinə görə, bu üsul bütün problemləri aradan
qaldırmasa da, ən azından bəzi insanlar üçün faydalı ola bilər.
Saglamolun.Az