Keçən ay Whatsapp ilə bağlı maraqlı bir hadisə baş vermişdi.
Twitter əməkdaşlarından biri bildirmişdi ki, onun smartfonunda
messencer fon rejimində mikrofondan istifadə etmək icazəsini
istəyib. Həmin vaxtda Whatsapp tərtibatçıları qeyd etmişdilər ki,
problemin mənbəyi messencerdə deyil, Google şirkətinin Android
əməliyyat sistemindədir. İndi isə Google bu məsələyə aydınlıq
gətirib.
“Bir neçə müddət bundan öncə Android-də olmuş sistem səhvi məhdud
sayda Whatsapp istifadəçisini əhatə edib və Android
konfidensiallığının monitorinq panelində səhv konfidensiallıq
indikatorları ilə bildirişlərin ortaya çıxmasına səbəb olub. Hal
hazırda Whatsapp istifadəçiləri öz cihazlarında messenceri
yeniləyərək bu problemi aradan qaldıra bilərlər. Biz, əməkdaşlıq
sərgilədiyinə görə Whatsapp-a təşəkkür edir və mövcud olmuş bu
problemin istifadəçilərdə yarada biləcəyi səhv fikirlərə görə üzr
istəyirik” - deyə Google qeyd edib. Bu bəyanatla
Google şirkəti problemin mənbəyinin məhz əməliyyat sisteminin
tərəfində olduğunu təsdiqləyib.
Mənbə: lent.az