Ukrayna “Eurovision 2022”nin qalibidir. Birinci yeri 631 xalla
“Kaluşi” qrupu tutub. Tamaşanın sonunda qrup dünyaya müraciət edib:
“Xahiş edirik, Ukraynaya kömək edin, Mariupola kömək
edin, “Azovstal”a indi kömək edin”.
Ukrayna prezidenti Vladimir Zelenski Ukraynanın “Eurovision” mahnı
müsabiqəsindəki qələbəsinə münasibət bildirib.
“Cəsarətimiz dünyanı heyran edir, musiqimiz Avropanı
fəth edir! Gələn il Ukrayna “Eurovision”a ev sahibliyi edəcək – öz
tarixində üçüncü dəfədir və mən inanıram ki, sonuncu dəfə deyil.
“Eurovision” iştirakçılarını və qonaqlarını bir gün Ukraynanın
Mariupol şəhərində qəbul etmək üçün əlimizdən gələni edəcəyik.
Azad, dinc və bərpa olunmuş Mariupolda", - Zelenski
yazıb.
Gürcü tamaşaçılar Ukraynaya maksimum 12 bal, Gürcüstan Milli
Münsiflər Heyəti isə maksimum 6 bal verib.Gürcüstanın İctimai
Yayımçısı daha sonra Eurovision Mahnı Müsabiqəsində milli münsiflər
heyətinin xalları ilə bağlı bəyanat yayıb ki, bu da 12 bal
deməkdir.
Bunu “Eurovision” mahnı müsabiqəsinin təşkilatçılarına göndərilən
notarial qaydada təsdiq edilmiş sənəd sübut edir.