“Dostluq Körpüsü”, “Azadlıq”, “Mərənlər”, “Yenə də
böyüyəcəklər” – bu Marneuli himnində eşidə
biləcəyiniz terminlərin kiçik siyahısıdır.
Bəstəkar Levan Mizandari mahnının mətni üzərində işləri artıq başa
çatdırıb və indi mahnını peşəkar şəkildə qeydə alacaqlar.
Levan Mizandari “Marneuli” radiosu ilə söhbəti zamanı Marneuli
himninin necə olacağı barədə danışır. Himni Marneuli meriyası
sifariş verib.
“Himndə, mahnıda bildiyiniz kimi, şərti olaraq desək
rəngarəng mətn olmamalıdır və həmişə asan yadda qalan olmalıdır. Bu
ümumiyyətlə belə tipli mahnılar üçün spesifikadır. Əlbəttə,
Marneuli termininin mərənlərdən gəldiyini də nəzərə aldım. Yenə də
böyüyəcəklər – bu da nəzərə alınmalıdır. Ümumiyyətlə, Kvemo Kartli
regionuna məxsus tarix və müxtəlif etnik qruplara baxmayaraq, vahid
vətən qurduğumuz dostluq nəzərə alınmalıdır”, – Levan
Mizandari bildirib.
Marneuli himninin müəllifinin sözlərinə görə, musiqi və mətnz
üzərində işlər artıq başlanılıb. Müəyyən məşqlər də keçirilir. O,
bildirir ki, müqaviləyə əsasən, mahnının başa çatdırılması üçün 2
ay vaxt var. Amma onun yazılmasını daha tez başa çatdıracaqlar.
Marneuli bələdiyyə himnini oktyabrın sonundan dinləmək mümkün
olacaq.
“Himn ola bilsin bu ay artıq hazır oldu. Müqaviləyə
görə, müğənniləri seçmək də müəllif kimi mənim öhdəliyimdir.
Bunların hamısını peşəkar və bu işi yaxşı bilən “Şavnabada”
ansamblı ilə etməyi düşünürük. Himn peşəkar şəkildə yazılacaq, iki
qeyd olacaq, biri “Şavnabada” peşəkar ansamblının ifasında olacaq.
Eləcə də musiqi minusda yazılacaq, hamı onu ifa edə biləcək. Belə
mahnıların tam versiyasının və minus fonoqramın olması yaxşıdır.
Əlbəttə, əgər bütün Marneuli ifa edəcəksə və mənim də məqsədim
budur ki, hamı bəyənsin”, – Levan Mizandari
bildirib.
Marneuli meriyası Levan Mizandariyə Marneuli himnini hazırlamaq
üçün 6 500 lari ödəyəcək. Meriya himnin yaradılması üçün Mizandari
ilə 11 oktyabrda sadələşdirilmiş müqavilə bağlayıb.