Qardabanili rəssamın Gürcüstandakı sonuncu sərgisi
15:36 / 13.11.2023
Qardabanili rəssam Rasim Həsənov Gürcüstanda sonuncu sərgisini
keçirib.
Onun əl işlərində hakimiyyət, mətbuat, insanlar və Rasimin yaşamalı
olduğu gündəlik həyat tərzi təsvir olunub.
"Gürcüstanda stabillik yoxdur. İncəsənətə maraq
aşağıdır. Avropada stabillik var, insanın sabaha ümidi var.
Gürcüstanda sabaha ümid yoxdur. Qeyri-stabil ölkədə incəsənətə heç
kim diqqət yetirmir".
Rasimin bir neçə əsəri də din və dövlət strukturları ilə bağlı idi.
O, Gürcüstanda sonuncu sərgisini təşkil edərkən üzləşdiyi
problemlərdən, dövlət strukturlarının nümayəndələrinin ona
münasibətindən danışır.
"Mən hesab edirdim ki, etnik azlıq olduğuma görə, mənə
diqqət göstərmirlər. Etnik azlıqlara Gürcüstanda müvafiq diqqət
göstərilmir. Ona görə qərar verdim ki, bu mənim Gürcüstandakı
sonuncu sərgimdir. Mən ölkəni tərk edirəm".