18 noyabr tarixində Marneuli bələdiyyəsinin Xocorni kəndində “Bir
səma altında” multimədəni festivalı keçiriləcək.
Tədbirin təşkilatçısı, Xocorni ictimai məktəbinin
məsləhətçi-müəllimi Lali Marqianinin sözlərinə görə, festival
şagirdlərin hərtərəfli yaradıcılıq bacarıqlarının kəşf edilməsinə
və Xocorni ictimai məktəb gənclərinin qarşılıqlı münasibətlərinin
yaxşılaşdırılmasına, Kvemo Kartli icmasına daxil olan etnik,
çoxmədəniyyətli məktəblərin tanışlıq-dostluğuna dəstək olacaq.
“Festival Xocorni kənd ictimai məktəbinin həyətində
keçiriləcək. Yerli və iştirak edən kənd məktəbləri ənənəvi süfrə,
bədii nömrələr, əl işlərini təqdim edəcəklər və sərgi-satış təşkil
olunacaq. Layihənin həyata keçirilməsindən sonra iştirakçı
benefisiarların yaradıcılıq, qiymətləndirmə, ünsiyyət, əməkdaşlıq
bacarıqları, müxtəlif millətlərdən olan şagirdlərin qarşılıqlı
münasibəti inkişaf edəcək, başqa cəmiyyətlərə inteqrasiya onlar
üçün asan olacaq. Bu isə gələcəkdə onların həyatında böyük rol
oynayacaq”, – pedaqoq bildirib.
Festivalda iştirak edəcəklər: Marneuli bələdiyyəsinin kəndləri –
Ağkörpü, Çanaxçı, Qiulbağ, Maradisi, Araflı, Şulaver, Dmanisi
bələdiyyəsinin Hamamlı, Qızılhacılı, Bolnisi bələdiyyəsinin Kvemo
Bolnisi ictimai məktəbləri, Saqareco bələdiyyəsinin Udabno kəndinin
“Qareceli” Uşaq Folklor Ansamblı.
Festival 18 noyabr tarixində, saat 12:00-da başlayacaq.