Heydər Əliyev adına Tbilisi Dövlət Peşəkar Azərbaycan Dram Teatrı
Türkiyənin paytaxtı Ankara şəhərində keçirilən “Ankara” Beynəlxalq
Teatr Festivalında iştirak edib.
Teatrdan “Marneuli” radiosuna verilən məlumata görə, dram tetrın
sənətçiləri 25 noyabr tarixində M.Bulqakovun “Morfi” əsərinin
motivləri əsasında hazırlanmış tamaşa ilə çıxış ediblər.
“Tamaşa uğurla nümayiş etdirildi və tamaşaçılar tərəfindən böyük
maraqla və alqışlarla qarşılandı. Tamaşanı yerli tamaşaçılarla
yanaşı Gürcüstanın Türkiyədəki səfirliyinin nümayəndələri də
izlədilər. Heydər Əliyev adına Tbilisi Dövlət Peşəkar Azərbaycan
Dram Teatrı adından Gürcüstanın Türkiyədəki səfirliyinə, Cənab
səfir Qiorqi Cancğavaya göstərdikləri diqqət və dəstəyə görə
minnətdarlığımızı bildiririk”, – verilən məlumatda
deyilir.
Festival iştirakçıları tərəfindən maraqla qarşılanan səhnə əsərində
rolları Telman İsfahanlı, Nərmin Həsənova, Mədinə Həsənova və Fuad
İsfahanlı ifa ediblər.
M.Bulqakovun “Morfi” əsərinin motivləri əsasında hazırlanmış
tamaşanın bədii rəhbər və rejissoru Turqay Vəli-zadə, səs operatoru
isə Malxaz Qoderdzişvilidir.
Teatrdan verilən məlumata görə, bu cari ildə onların artıq ikinci
qastrol səfəridir. Bu ilin əvvəlində onlar Türkiyyənin Dənizli
bölgəsində də qastrolda olublar.