Pəri Xanım Sofiyevanın yolunu gedən qızlar (VİDEO)
15:21 / 26.12.2023
Bir əsr bundan əvvəl, yaxında, Marneulidən 40 km məsafədə,
Qaracalar kəndində insan hüquqları və söz azadlığı üçün mübarizə
aparırdı.
1918-ci ildə 34 yaşlı müsəlman qadın demokratik yolla siyasi mövqe
əldə edib. Pərixanım Sofiyeva ilə bizi 6 il əvvəl tarixçi İrakli
Xvadaqiani tanış etdi. Sofiyeva dünyada demokratik yolla seçilmiş
ilk müsəlman deputat qadındır. Təbii ki, sual yaranır, bu gün,
21-ci əsrdə qadın fəallığı problem olaraq qaldığı halda o, bunu
necə bacarıb?
Pərixanım Sofiyevanın nəslinin davamçıları deyirlər ki, onun həyata
keçirdiyi işlər Qaracalar kəndində bir çox nəsillərə öz faydasını
verib.
Pərixanım 100 il əvvəl hesab edirdi ki, qadın üçün təhsil almaq
mühümdür. Qohumları deyirlər ki, Qaracalardan olan 3 qadına
Tbilisidə təhsil almağa kömək edib. Şəhərdə onları yaşayış yeri ilə
təmin edirmiş və maddi dəstək göstərirmiş.
Gürcüstanda qadınların siyasi-ictimai həyata qoşulması yenə də
problemdir. Regionlarda cəsarətli qadınlarımız var. Ancaq
Pərixanımın hekayəsini hamı bilməlidir ki, bu xanımın cəsarəti yeni
nəslin qızlarına daha da güc versin. Deputat qadının adının
məşhurlaşdırılması üçün doğma kəndində xatirə divarı açılıb.
Tbilisinin küçələrindən birinə Pərixanım Sofiyevanın adının
verilməsinin təşəbbüskarı isə hüquq müdafiəçisi Samirə
Bayramovadır.
Pərixanımın seçilməsindən 100 il sonra, Gürcüstanda qadınların
siyasi həyata qoşulması üçün kvota sistemi qəbul etdilər. Bu süni
müdaxilə mexanizmidir. Məqsədi qadınların fəallığıdır. 2001-ci ildə
bu qayda ilə Marneuli Bələdiyyə Məclisinə 7 qadın seçildi. Bu günə
qədər onlar tərəfindən qadınların gücləndirilməsinə istiqamətlənən
hər hansı ideya təşəbbüsü görməmişik. Yenə də inanmaq istəyirik ki,
Pərixanımın timsalında motivasiyalı gənc qızlar daha çox cəsarətli
və dəyişikliklərə istiqamətlənmiş olacaqlar.