20 noyabr tarixində, Tbilisidə Heydər Əliyev adına Tbilisi Dövlət Peşəkar Azərbaycan Dram Teatrının hazırladığı “Əvvəlcə öldülər, sonra evləndilər” tamaşası nümayiş etdirilib. Premyera Qriboedov adına Dövlət Dram Teatrının kiçik səhnəsində baş tutub. “Marneuli” radiosuna bu barədə teatrın bədii rəhbəri Turqay Vəlizadə məlumat verdi.

Onun sözlərinə görə, tamaşada Telman İsfahanlı, Nərmin Həsənova, Fuad İsfahanlı, Mədinə Həsənova, Esmiralda Məmmədova və Turqay Vəlizadə iştirak ediblər.

"Rafiel Eristavinin 200 illik yubileyi ilə əlaqədar olaraq yazıçının "Əvvəlcə öldülər, sonra evləndilər" əsərinin əsasında hazırlanan tamaşanın premyerası keçirildi. Tamaşa anşlaqla keçdi, tamaşaçılar tərəfindən yüksək qiymətləndirildi və alqışlarla qarşılandı. Tamaşa Gürcüstan Respublikasının Mədəniyyət və İdman Nazirliyinin maddi dəstəyi ilə baş tutdu", – Turqay Vəlizadə dedi.

Vəlizadənin sözlərinə görə, tamaşa gürcü dilində nümayiş etdirildi və yaxın gələcəkdə regionlara qastrol səfəri də planlaşdırılır. O, onu da bildirdi ki, tamaşanın Azərbaycan dilində nümayiş etdirilməsi də nəzərdə tutulub.

Tamaşa gürcüstanlı yazıçı Rafiel Eristavinin “Əvvəlcə öldülər, sonra evləndilər” əsərinin əsasında hazırlanıb və komediya janrındadır.

Tamaşanın quruluşçu rejissoru və musiqi tərtibatı Turqay Vəlizadədir. Tamaşanın rəssamı isə Marika Kvaçadzedir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---