“Era Teatrı” və “Era Film” aktyorluğa marağı olan gənclər üçün kastinq elan edib. Maraqlanan və həvəsi olan şəxslər bu kastinqdə iştirak edə bilər.

“Era Teatrı”nda aktyor və bədii rəhbər müavini Elnur Vəlizadə “Marneuli” radiosu ilə söhbəti zamanı bildirdi ki, “Era Film” 2025-ci ildə həm yerli, həm də beynəlxalq kino festivallarında iştirak etməyi, bununla yanaşı, bir sıra maraqlı film layihələrinə imza atmağı planlaşdırırlar. O, vurğuladı ki, onlar bunun üçün yeni istedadları kəşf etməyə və kino dünyasına yeni simalar qazandırmağa hazırlaşırlar.

“Era Teatrı” və “Era Film” olaraq bu layihəni təşkil etməkdə əsas məqsədimiz aktyorluğa marağı olan gənclərə fürsət yaratmaqdır. Bu layihədə milli mənsubiyyətindən asılı olmayaraq 18-30 yaş arası hər kəs iştirak edə bilər. Daha öncə də bu tərzdə layihələrimiz olub. Şəxsən mən özüm “Era Teatrı”nın kurslarında iştirak etdikdən sonra bu sahədə daha aktiv şəkildə fəaliyyət göstərməyə başlamışam. Bu günə qədər bir neçə bədii və sənədli filmə imza atmışıq. Onların arasında yerli müsabiqələrdə qalib gəlmiş filmlər də var. Kastinq üçün müraciət edən şəxslər arasından seçilən namizədləri xüsusi şəkildə hazırlayacağıq. Onlar qısa zamanda özlərini gələcək filmlərimizdə və tamaşalarımızda görə biləcəklər”, – Elnur Vəlizadə dedi.

Vəlizadə onu da qeyd etdi ki, kastinq fevral ayı üçün nəzərdə tutulub. Onun sözlərinə görə, maraqlanan şəxslər vaxt itirmədən onlara müraciət edə bilərlər.

“Əgər aktyorluğa həvəsiniz varsa, özünüzü kamera qarşısında sınamaq və kino sahəsində ilk təcrübənizi qazanmaq istəyirsinizsə, fevral ayı üçün nəzərdə tutulan kastinqimizə qeydiyyat başladı! Bu, sizin kino dünyasına daxil olmağınız üçün əvəzolunmaz fürsətdir! Gələcək layihələrimizdə iştirak etmək və ekranlarda yer almaq istəyirsinizsə, kastinqdə öz istedadınızı göstərin! Qeyd edim ki, kastinqə gələn iştirakçılar özlərini təqdim etməyə və kiçik bir səhnəcik sərgiləməyə hazır olmalıdırlar. Əvvəlcədən qeydiyyat üçün bizimlə əlaqə saxlayın”.

Elnur Vəlizadə onu da bildirdi ki, kastinqdə öz bacarığı ilə fərqlənən tələbələr “Era Teatrı”nın kino və tamaşalarında yer alacaqlar.

Kastinq “Era Teatrı”nın ofisində baş tutacaq və ödənişsiz həyata keçiriləcək. “Era Teatrı”nın ofisi Tbilisi şəhəri, Ağmaşenebeli 22/3 ünvanında yerləşir. Kastinqdə iştirak etmək üçün +995 557 31 35 01 nömrəsi ilə əlaqə saxlaya bilərsiniz.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---