Motivasiya, yeni imkanlar və özünə inam Bolnisi sakini Qalina Mçedlişiliyə biznes qurmaq ideyasını verib. Beləliklə, öz biznesinə başlamazdan əvvəl başqasının salonunda işləyən, tək iki uşaq anası üçün müstəqillik mübarizəsi başlayıb. Qalinanın indi Bolnisinin mərkəzində öz estetik mərkəzi var.

Lazer aparatını Avropa İttifaqının dəstəklədiyi “Təhlükəsiz və Bərabər Cəmiyyət Naminə” layihəsi çərçivəsində “Care Caucasus” şirkətinin maliyyəsi ilə alıb. O, deyir ki, bu dəstək olmasaydı, öz vəsaiti ilə estetik mərkəzi aça bilməzdi. Bu, onun uşaqları ilə yenidən həyata başlamaq məcburiyyətində qalması vəziyyətində baş verib və maddi müstəqillik onun xilas olması üçün çıxış yollarından biri idi.

“Öz lazer aparatım olmamışdan əvvəl başqa salonda işçi olaraq lazer- terapevti işləyirdim. “CARE”-ın layihəsində iştirak etməkdə bəxtim gətirdi və qrant olaraq lazer aparatı aldılar. Bu biznesə başlamaq mənim üçün çox vacib idi, çünki 2 uşağımla həyata sıfırdan başlayırdım. Heç ağlıma da gətirməzdim ki, öz salonum olardı. Maddi tərəf çox mühümdür. Hələ ki, valideyn olduqda özündən başqa heç kimdən asılı olmamağın böyük əhəmiyyət daşıyır. Layihədə iştirak etdiyimə, seçiləcəyimə inanmırdım. Mənə zəng vurdular, bu mənim üçün şok idi. Mən bütün qadınlara iştirak etməyi, xəyal qurmağı tövsiyə edirəm, belə hər şey alınacaq. Mən indi də inanmıram ki, bunlar mənim başıma gəlib”, – Qalina Mçedlişvili bildirir.


Qalina deyir ki, həyatının bu yeni mərhələsində təslim olmağa haqqı yoxdur. Bir çox çətinliklərə baxmayaraq, o, özü ilə mübarizə aparıb və özünün digər qadınlara nümunə ola biləcəyinə inanır. Lazer terapevtinin gələcək planları qadınların səlahiyyətlərinin artırılması ilə bağlıdır. O, öz estetik mərkəzinin genişlənməsini və çoxlu qadınların işlə təmin olunmasını istəyir.

“Bu, böyük sevinc idi, çünki uşaqlarım və şəxsən mənim üçün yenidən başlamaq çox vacib idi. Ətrafımdakı cəmiyyət üçün gözlənilməz və sevindirici bir xəbər idi. Bu sahə mənə tanışdır, amma çətinlik o idi ki, bütün bunların mənim başıma gəldiyinə inanmaq üçün bir az vaxt lazım oldu. İş yeri yaratmağa gəlincə, indiki mərhələdə tək işləyirəm, çünki salonu yeni açmışam. Ətrafımda o qədər tək uşaq böyüdən analar var ki, layihədə böyük məmnuniyyətlə iştirak edərdilər. Ümid edirəm ki, işimi genişləndirmək, başqa qadınları da işə götürmək imkanım olacaq”, – Qalina bildirir.

Qalina Mçedlişili kimi Bolnisi sakini Darecan Okruaşvili də çoxdankı arzusunu həyata keçirə bilib. Fotoqrafiyaya həvəsi olan Darecan “Kea Qafqaz”ın maliyyə dəstəyi ilə “Daci Studio”-nu açıb. Fotoqraf işıqlandırma avadanlığı, dron və studiya ləvazimatları alıb. Daçi Okruaşvili Bolnisi Bələdiyyə Məclisinə işləyir, böyük təcrübəyə malikdir, ixtisasca jurnalistdir və fotoqraflıqla məşğuldur. O, bir neçə il əvvəl fotoqrafiya studiyası açmağa çalışsa da, Covid pandemiyasının yaratdığı böhran səbəbindən avadanlıqlarını satmaq məcburiyyətində qalıb. Yenidən başlamaq Darecan üçün asan olmayıb, lakin ailəsinin dəstəyi ona əhəmiyyətli dərəcədə təsir göstərib.

“Mənim arzum öz studiyamın olması idi. Layihə yazmaq barədə çox düşünürdüm. İndiyə kimi bəxtim gətirməyib, indi niyə gətirsin deyirdim. Bir gün köhnə şəkillərə baxırdım, orada anamın şəkli də var. Anam mənim üçün çox mühüm insan, dost və motivasiya verən şəxs idi. Onun sözlərini xatırladım – “Heç vaxt qorxma, çünki güclüsən, istəsən qayaları da sındırarsan”. Anam daim həyatda da işdə də mənə motivasiya verərdi. 15 ildən artıqdır ki, fotoqraflıqla məşğulam. İlk dəfə layihə yazanda çox düşünürsən. İstəyirsən ki, alınsın. “Care Caucasus” mənim həyatıma açılan böyük pəncərə idi. İki övladım var və hər ikisi bu qərarı yaxşı qarşıladı. Çünki mənim fotoqrafiyaya olan münasibətimi, kameraya olan sevgimi bilirlər. Hər ikisi bilirdi ki, istədiyimi edəcəyəm və keyfiyyət də olacaq. Layihədə rəqabət böyü idi. Peşəkarlıqla təmsil olunan, qadınların inkişafına, gücləndirilməsinə aid olan layihələri seçməli idilər”, – Darecan bildirir.

Darecan Okrouaşvili deyir ki, o, mübariz xarakteri sayəsində məqsədinə nail olub. Çünki imtina etmək düzgün seçim deyil. Xüsusilə qadınlara qarşı çoxlu stereotiplərin və maneələrin mövcud olduğu bir reallıqda inkişaf, iqtisadi səlahiyyətlərin artırılması böyük əhəmiyyət kəsb edir.

“Studiyam şəhərimə, həyatıma yeni həyat gətirdi. İnsanları sevindirirəm, onlara gözəl kadrlarla sevinc bəxş edirəm. Bu gün mən artıq güclü qadınam, sabah isə 10-20 qadının yanında olacağam. Ən vacib zəncir odur ki, “Care Caucasus” güclü qadınları bir halqaya çevirir. Qadın güclü olarsa cəmiyyət və ölkə üçün faydalı övladlar yetişdirəcək. Qızlar mənə inanın ki, siz gücsünüz, ümidsiniz və başqaları da sizə baxır. Özünüzü sevin və dik duraraq deyin – məndə hər şey alınacaq”.

Fotoqrafın gələcək planı studiyada gəncləri və fiziki imkanları məhdud şəxsləri işlə təmin etməkdir.

“Ehtiyac yarandıqca, tezliklə müxtəlif xidmətləri də əlavə edəcəyəm. Bir neçə nəfəri işlə təmin edəcəyəm. Hazırda övladım mənimlə işləyir. Mənim kifayət qədər ciddi planım var, gəncləri, fiziki imkanları məhdud olan şəxsləri işlə təmin edəcəyəm”, – Darecan bildirir.

Qalina Mçedlişvili və Darecan Okruaşvilinin nümunələri göstərir ki, Gürcüstanda aparılan çoxsaylı araşdırmalar qadınların iqtisadi fəallığının səviyyəsinin (41,5 faiz) kişilərin iqtisadi fəallığının səviyyəsindən (64 faiz) xeyli geri qaldığını göstərir. Bunu nəzərə alsaq, qadınların iqtisadi imkanlarının genişləndirilməsi böyük əhəmiyyət kəsb edir.

2023-cü ildə BMT-nin Qadın Təşkilatı tərəfindən hazırlanan Gender Bərabərliyi Portfoliosuna əsasən, Gürcüstanda kişilərə məxsus biznes hissələri qadınların biznes hissələrindən iki dəfə çoxdur.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---