Xada dərəsində qətlə yetirilmiş Rayan Smitin anası ABŞ-dan göndərdiyi məktubda Malxaz Kobaurini bağışladığını yazıb
Xada
dərəsində qətlə yetirilmiş Rayan Smitin anası ABŞ-dan göndərdiyi
məktubda oğlunu, gəlinini və 4 yaşlı nəvəsini qətlə yetirmək
ittihamı ilə azadlıqdan məhrum edilmiş Malxaz Kobaurini
bağışladığını yazıb.
Lin Smitin 1 oktyabr 2018-ci ildə göndərdiyi və məhkum Malxaz
Kobaurinin bir neçə gün aldığı məktub "Interpressnews" tərəfindən
yayımlanıb.
Qətlə yetirilmiş Rayan Smitin anası 6 səhifəlik məktubda
məhkumluqda olan çobana emosional şəkildə müraciət edir və deyir
ki, o, və həyat yoldaşı istəmirlər ki, “bağışlamamaq, acı, nifrət
və ya pislik əzabı ilə yaşasınlar”, buna görə də, Kobaurini
bağışlamaq qərarına gəliblər.
Bununla belə, Lin Smit məktubda onu da qeyd edir ki, qətlə
yetirilmiş mərhumların ailəsinin arzusu Kobaurinin 30 il və ya
həmişəlik həbsdə qalmasıdır, çünki onlar məhkum olunmuş çobanın
digər insanlara təhlükə yaratmasını istəmirlər.
Bundan əlavə Rayan Smitin anası Malxaz Kobaurini dualar etməyə
çağırır və məsləhət görür ki, Allahdan bağışlanmağını diləsin.