Gürcüstanda mayın 10-dək qeyri-sabit hava gözlənilir – bu haqda
"InterpressNews"-a Milli Ekologiya Agentliyinin Monitorinq və
Proqnozlar Mərkəzinin qısamüddətli Proqnozlar İdarəsinin rəhbəri
Dodo Qvazava bildirib.
Onun sözlərinə görə, Gürcüstanın əksər rayonlarında vaxtaşırı
qısamüddətli yağış yağacağı, şimşək çaxacağı və dolu yağacağı
gözlənilir. Sinoptikin sözlərinə görə, mayın 11-dən sonra
Gürcüstanın bütün ərazisində havanın temperaturunun artacağı
gözlənilir.
“Gürcüstanda, mayın 11-dək qeyri-sabit hava şəraiti hökm sürəcək.
Əksər rayonlarda qısamüddətli yağış yağacağı, şimşək çaxacağı,
həmçinin dolu yağacağı və külək əsəcəyi gözlənilir. Aran
rayonlarında mayın 11-dək havanın maksimal temperaturu +16+17
dərəcə ola bilər. Dağlıq rayonlarda havanın temperaturu təxminən
+10+15 dərəcə, yüksək dağlıq ərazilərdə isə +5+10 dərəcə
olacaq.
Şərqi Gürcüstanda ən aşağı temperatur +14+16 dərəcə ilə Şida
Kartlidə gözlənilir. Kaxetidə havanın temperaturu +22 +24 dərəcə
olacaq. Tbilisidə mayın 11-i günün sonunadək qeyri-sabit hava
şəraiti hökm sürəcək. Vaxtaşırı küləyin güclənəcəyi, bəzi yerlərdə
dolu və qısamüddətli yağış yağacağı gözlənilir. Mayın 11-dən sonra
havanın temperaturu artacaq və mayın 12-13-də +24+26 dərəcəyədək
yüksələ bilər”, – deyə Milli Ekologiya Agentliyinin
Monitorinq və Proqnozlar Mərkəzinin qısamüddətli Proqnozlar
İdarəsinin rəhbəri bildirib.