Hüquq mühafizəçiləri Ağ Evin yanına toplanmış etiraz aksiyasının
iştirakşılarına qarşı gözyaşardıcı qaz və rezin güllələrdən
istifadə ediblər.
Bu barədə məlumatı “Reuters” Agentliyi yayıb.
Agentliyin bildirdiyinə görə, polis və mitinq iştirakçıları
arasında toqquşmalar ABŞ prezidenti Donald Trampın “ölkənin böyük
şəhərlərində qarışıqlıqlara son qoymaq üçün ştat qubernatorlarının
Milli Qvardiyanı çağırmayacaqları təqdirdə hərbçiləri səfərbər
edəcəyi haqqında
“Rouse Garden”-də
çıxışından sonra başlayıb.
Kadrlarda əllərini yuxarı qaldıraraq
“Bizə atəş
açmayın!” deyə qışqıran aksiya iştirakçıları
görünürlər.
Xatırladaq ki, ABŞ-da bir neçə gündür ki, etiraz aksiyaları
səngimək bilmir. Etirazçılar afro-amerikalı Corc Floydu saxlayan
zaman polis tərəfindən ona qarşı həddən artıq güc tətbiq edilməsinə
narazılıqlarını bildirir və insidentdə iştirak edən hər dörd polisə
qarşı səlahiyyətindən sui-istifadə edərək öldürmək maddəsi ilə
cinayət işi açılmasını tələb edirlər.