Sosial Ədalət Mərkəzi Marneuli Bələdiyyə Məclisinə Bolnisi Şəhər
Məhkəməsinin 1 iyul 2022-ci il tarixli qərarına hörmətlə yanaşması,
özünüidarənin büdcəsindən dini təşkilatların maliyyələşdirilməsi
kimi diskriminasiya, qeyri-dünyəvi təcrübəni təkrar etməməsi ilə
bağlı müraciət edib.
2022-ci ilin 1 iyul tarixində Bolnisi Şəhər Məhkəməsi Sosial Ədalət
Mərkəzinin şikayətini təmin edib. Şikayətdə bələdiyyə büdcəsindən
yalnız yerli yeparxiyanın maliyyələşdirilməsi kimi ayrı-seçkilik
halları şikayət olunub. Sosial Ədalət Mərkəzi bu işi mülki fəal
Samirə Bayramova və Bütün Gürcüstan Müsəlmanlarının Ali Dini
İdarəsinin adı ilə aparırdı.
“Maddi dəstəyin belə qeyri-bərabər paylanması təcrübəsi
ilə yalnız son 4 il ərzində Marneuli və Hucabi Yeparxiyasına
ümumilikdə 1 550 000 lari (2019-cu ildə - 350 000 lari; 2020-ci
ildə- 400 000 lari; 2021-ci ildə - 400 000 lari; 2022-ci ildə -400
000 lari) verilib. Dini fəaliyyətin maliyyələşdirilməsi məqsədi ilə
özünüidarə büdcəsində dini tolerantlıq təbliğatı və əhalidə
mənəviyyatın yüksəldilməsi nəzərdə tutulmuşdu. Bu dəstəyi isə
az-çox yerli yeparxiya alırdı. Belə maliyyələşdirmə təcrübəsi
diskriminasiya tərkibli olmasından əlavə, yalnız bir dini təşkilata
üstünlük verirdi (Marneuli bələdiyyə əhalisinin əksəriyyəti
müəslmandır). Bu dünyəvi dövlətin konstitusiya prinsiplərinə zidd
idi və ictimai resursların dini məqsədlər üçün istifadə olunması
təcrübəsini yaradırdı.
Bizim qiymətləndirməmizə görə, Bolnisi Şəhər Məhkəməsinin qərarı
presentsial əhəmiyyət daşıyırdı. Ümumiyyətlə yerli özünüidarə
tərəfindən dini təşkilatların qeyri-dünyəvi və diskriminativ
maliyyələşdirilmə təcrübəsini dəyişir. Marneuli və başqa yerli
özünüidarələr tərəfindən bu qərara hörmətlə yanaşılmasını vacib
hesab edirik. Bu qərar demokratik və ədalətli idarəçiliyin
zəmanəti, ictimai resursların qanuni sosial məqsədlər üçün
istifadəsi, bərabərlik prinsipinin qorunması, dövlət və dini
təşkilatlar arasında ayrılıq, qeyri-demokratik mənsubiyyətlərin
aradan qaldırılması, eləcə də dini təşkilatların hədsiz dərəcədə
siyasi təsirləri, onların siyasi alətə çevrilməsinin qarşısının
alınması üçün mühüm mexanizm olmalıdır.
Qeyd etmək lazımdır ki, Marneuli bələdiyyəsi qərarı Apelyasiya
Məhkəməsinə şikayət edib və o hələ qanuni qüvvəyə minməyib.
Təəssüf ki, məhkəmənin qeyd olunan qərarına baxmayaraq, Marneulinin
2023-cü il büdcəsinin cari layihəsi yenidən eyni qeydi nəzərdə
tutur. Konkret olaraq, dini və ya başqa növ ictimai fəaliyyət
çərçivəsində yalnız Marneuli və Hucabi Yeparxiyasına 400 000 lari
veriləcək, bələdiyyə yalnız məbləğin verilməsi məqsədlərində
düzəliş edib – bələdiyyə ərazisindəki kilsə monastırlara və
məscidlərə maddi dəstək. Belə ki, məscidlərin kommunal xərcləri
üçün kiçik məbləğ (20 000 lari) nəzərdə tutulub.
Biz ümid edirik ki, Bələdiyyə Məclisi yekun büdcənin bu layihəsini
təsdiq etməyəcək. Çünki bu Gürcüstan qanunvericiliyinin tələblərini
kobud şəkildə pozmaq, məhkəmə qərarına qarşı aşkar şəkildə
hörmətsizlik olacaq”, - Sosial Ədalət Mərkəzi
yazır.