Bu gün, 14 aprel tarixində Tbilisi şəhərində “Heydər Əliyev və
milli-mənəvi dəyərlərimiz” adlı konfrans keçirildi.
Azərbaycan Respublikasının Gürcüstandakı Səfirliyinin təşəbbüsü ilə
keçirilən konfrans “Xurcun” restoranında baş tutdu.
Tədbiri giriş sözü ilə açan səfirliyin əməkdaşı Ramel Lətifov dəvət
olunmuş qonaqları salamladı və ilk olaraq Heydər Əliyevin
xatirəsinə həsr edilmiş video çarx nümayiş etdirildi. Daha sonra
isə Azərbaycanın Gürcüstandakı fövqəladə və səlahiyyətli səfiri
Faiq Quliyev çıxış edərək Heydər Əliyevin həyat və fəaliyyətindən
danışdı. Səfir çıxışında qeyd etdi ki, istər Azərbaycanda, istərsə
də Gürcüstanda müsəlmanlar öz dini inanclarını yerinə yetirirlər və
onlara heç bir maneçilik törədilmir.
Daha sonra tədbirdə Gürcüstan Müsəlmanları İdarəsinin şeyxi Hacı
Ramin İgidov, İdarənin Şərqi Gürcüstan Üzrə müftisi Etibar Eminov
və digər şəxslər çıxış etdilər. Onlar da çıxışlarında Heydər
Əliyevin gördüyü işlərdən danışdılar. Çıxış edənlər həmçinin
Ramazan ayı və qarşıdan gələn bayram münasibətilə müsəlmanları
təbrik etdilər.
Tədbirdə Azərbaycanın Gürcüstandakı səfiri və səfirliyin
əməkdaşları, Türkiyə səfirliyinin əməkdaşları, Gürcüstan
Parlamentinin üzvləri Zaur Darğallı və Savalan Mirzəyev, SOCAR
şirkətinin əməkdaşları, Marneuli meriyasının əməkdaşları, digər
dövlət qrumlarının əməkdaşları, din xadimləri və dəvət olunmuş
qonaqlar iştirak edirdilər.
Konfransdan sonra iftar süfrəsi təşkil olundu və dualar oxundu.