2023 წელს ქალაქ მარნეულის N4 საბავშვო ბაღს რეაბილიტაცია ჩაუტარდება. ქვემო ქართლის მხარის მიერ გამოქვეყნებული ინფორმაციის მიხედვით, საქართველოს პრემიერ-მინისტრის ინიციატივით, ქვეყნის მასშტაბით, 885 საბავშვო ბაღის მშენებლობა-რეაბილიტაცია განხორციელდება. აღნიშნული პროგრამის ფარგლებში, ქვემო ქართლის რეგიონში მიმდინარე წელს 15 ახალი სკოლამდელი აღზრდის დაწესებულების მშენებლობა და 8 საბავშვო ბაღის რეაბილიტაცია დაიწყება.

2023 წელს აშენდება:

• ქალაქ რუსთავის №11 და №25 საბავშვო ბაღები;
• ბოლნისში დაბა კაზრეთის და მამხუტის საბავშვო ბაღები;
• თეთრიწყაროში ვაშლოვანის და ორბეთის საბავშვო ბაღები;
• წალკაში თიალეთისა და კაბურის საბავშვო ბაღები;
• გარდაბანში მარტყოფის და სართიჭალის საბავშვო ბაღები;
• დმანისში ამამლოს და ირგანჩაის საბავშვო ბაღები;
• მარნეულში ქალაქ მარნეულის, წერეთლის და შულავერის საბავშვო ბაღები.

2023 წელს რეაბილიტაცია ჩაუტარდება:

• რუსთავის №31 ბაღს;
• ბოლნისის მუნიციპალიტეტში, ტანძიისა და ქვემო ბოლნისის ბაღს;
• გარდაბნის მუნიციპალიტეტში, ლემშვენიერას №1 და ლემშვენიერა-მზიანეთის ბაღს;
• დმანისის №1 საბავშვო ბაღს;
• თეთრიწყაროს №1 საბავშვო ბაღს;
• მარნეულის №4 საბავშვო ბაღს.

სამშენებლო-სარეაბილიტაციო სამუშაოებს საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი განახორციელებს. აღსანიშნავია, რომ მარნეულში 3 ბაღის მშენებლობისათვის სახელმწიფო ბიუჯეტიდან 10 მილიონზე მეტი გამოიყო.