“RMG”-nin yük maşınlarına görə, uşaqların yolda hərəkət etmək təhlükəsi yaranır – Zol-Göyəçdə aksiya (FOTO/VİDEO)
14:19 / 06.09.2023
Bolnisi bələdiyyəsinin Zol-Göyəç (Kveşi) kənd sakinlərinin bir
qismi bu gün, 6 sentyabr tarixində “RMG Cooper”-ə qarşı aksiya
keçirib.
Sakinlərin bir qismi deyir ki, kənddə qızıl aşlarlayan karyer
işləyir və gündə onlarla maşın yüksək sürətlə onların kəndindən
hərəkət edir. Əhalini toz, səs-küy və təhlükəli şərait narahat
edir.
Zol-Göyəçdə yaşayan Rafiz Ramazanov bildirir ki, onların əsas
tələbi yol təhlükəsizlik qaydalarının qorunmasıdır. O, qeyd edir
ki, problemlə bağlı aidiyyatı qurumlara müraciət ediblər, ancaq
vəziyyət dəyişməz qalır. “RMG-nin maşınları Xramdan Kazretiyə qızıl aparır. Gündə ən
az 200 maşın buradan keçir. Bu yol ilə uşaqlarım məktəbə gedir.
Validyenlər uşaqları maşınla aparmaq məcburiyyətində qalırlar. Yol
dardır və uşaqlar hərəkət etməyə qorxurlar. Heç kim bizə diqqət
göstərmir. Hər yer tozdur. Müraciət etmişik amma bizimlə heç kim
maraqlanmayıb. Kənd müvəkkilinə də demişik, məsələni bilirlər. Bu
gün toplantımız var, heç maraqlanmadılar. Bu karyerlər 4 ildir
işləyir və hamı buna göz yumur. Biz etiraz edəcəyimizi demişdik.
Səhərdən aşağı yolda maşınları saxlayıb gah qorxudur, gah
hədələyirlər. Bizi qorxudular ki, belə açıq danışmayaq. Biz nə
istəyirik, yolumuzu düzəltsinlər bu məsələ həll olunsun. Əsas
tələbimiz yolun genişləndirilməsidir. Uşaqlar üçün keçid yoxdur onu
düzəltsinlər. Bizim problemə diqqət göstərsinlər”.
Rafiz kimi Zol-Göyəçin digər sakinlərini də problem narahat edir.
Yerli sakinlər deyirlər ki, artıq Gürcüstanın Baş nazirinı,
Prezidentə, Gürcüstanın Ekologiya və Kənd Təsərrüfatı nazirinə,
Bolnisi, Dmanisi və Tsalkanın majoritar deputatlarına, Ətraf Mühit
Milli Agentliyinə məktubla müraciət edəcəklər.
Yerli sakinlərin tələbi RMG Cooper-ə məxsus maşınların bu yol ilə
hərəkət etməsinin dayandırılması və yolun təmir edilməsi, RMG
Cooper şirkətinə məxsus maşınların sıradan çıxardığı yollar təmir
olunsun, dəymiş ziyan qarşılansın. “Yaşlı adamam bu maşınlara görə, mağazaya gedə bilmirəm.
Kamazlar buradan karyerə gedirlər. Bütün gün ev silkələnir, gecə
yata bilmirik. Nəisə etsinlər, biz dövləti dəstəkləyirik dövlət də
bizi dəstəkləsin”, - Bəyaz Ramazanova deyir.
“Mən tək yaşayıram, gündüz işləyirəm və axşam dincəlmək
istəyirəm. Amma maşınlar səsindən dincəlmək olmur. Şəkərli diabetim
var və həkim də mənə kömək edə bilmir. Çünki bu maşınların səsinə
özümdən çıxıb əsəbləşirəm. Bir dəfə yas mərasiminə gedirdim,
yağışlı havada bu yolda bütün palçıq oldum. Evə geri döndüm, çimdim
və maşın çağırıb onunla getdim. 2 ildir belədir. Müraciət etsək də
heç nə dəyişmədi”, - Alqazax Allahyarov bildirir.
6 sentyabr tarixində, Zol-Göyəçdə toplanmış əhalinin problemlərini
həmin kəndin Bələdiyyə Məclisindəki deputatı Fərrux Sarıyev qəbul
etmir. O, “Marneuli” radiosu ilə söhbəti zamanı bildirdi ki,
“5-6 nəfərin tələbi əhalinin tələbi adlandırıla
bilməz”.
“Əhali tələb etmir, 5-6 nəfərdir. Bunu əhali
adlandırmaq olmaz. Bu dövlət məsələsidir biz qarışa bilmərik.
Tramplinlə bağlı yazmışıq və düzəldəcəklər. Problem haqqında
bilirlər. Neçənci əsrdir ki, kimisə
hədələyək”.
Zol-Göyəç sakinlərinin problemini müəyyən etmək üçün biz “RMC”-nin
mətbuat xidməti ilə əlaqə saxladıq. Şirkətdən söz verdilər ki,
məsələni aydılaşdıracaqlar. “Marneuli” radiosu cavab alan kimi
materialı yeniləyəcək.