Marneuli bələdiyyəsində, Sabirkəndə su borusu çəkiləcək.
Yerli özünüidarə işlərin həyata keçirilməsi üçün 2 335 300 lari
dəyərində tender elan edib. Vəsaitin 95%-i dövlət büdcəsi, 5%-i isə
meriya tərəfindən maliyyələşdirilir.
“İşləri həyata keçirən şirkət materiallarla bağlı
sifarişçi ilə razılaşmalıdır. Tikinti/bərpa işləri başlayana qədər
ərazidə layihənin gedişini yoxlamalı, eləcə də tikinti yerində
layihədə qeyd olunmuş ölçülərə nəzarət etməlidir. Hər hansı
qeyri-dəqiqlik olduğu halda sifarişçiyə bildirməlidir. İşlərin
həyata keçirilməsinə texniki nəzarəti sifarişçi təşkilat və ya
sifarişçi tərəfindən seçilmiş müvafiq sahədə akkreditasiyadan
keçmiş şirkət həyata keçirəcək. İşlərin həyata keçirilməsi
prosesində işləri həyata keçirən keyfiyyətə və işlərin həyata
keçirilməsinə nəzarəti təmin etməli, yoxlamanı həyata keçirən şəxs
tərəfindən verilmiş şifahi, eləcə də yazılı tövsiyələri, qeydləri
yerinə yetirməlidir”, – tender sənədlərində
yazılıb.
Sabirkəndə su borusunun çəkilməsi işləri üçün tender 8 sentyabrda
elan olunub. Tenderdə iştirak etmək istəyən şirkətlər 24-29
sentyabr tarixlərində öz təkliflərini təqdim edə bilərlər. Qalib
şirkət müqavilə bağlandıqdan 210 gün ərzində işləri meriyaya təhvil
verməlidir.