Marneuli yerli özünüidarəsi 500 ədəd kağız çantanı sadələşdirilmiş
qaydada alıb.
Marneuli meriyası çantaları "Prani" MMC-dən 2490 lariyə əldə
edib.
Meriyanın yayımladığı sadələşdirilmiş müqaviləyə əsasən, çantalara
Marneuli meriyasının loqosu həkk olunub.
"Bildiyiniz kimi, 2023-cü tədris ilinin gəlişi ilə
bağlı aztəminatlı ailələrə, eşitmə qüsurlu, fiziki imkanları məhdud
şəxslərə (300 uşaq) məktəb ləvazimatları veriləcək.
Qeyd olunan paketlərin verilməsi üçün Marneuli bələdiyyəsinin
loqosu əks olunmuş, 300 ədəd "sizi dərs ilinin başlaması
münasibətilə təbrik edirik" yazılmış hədiyyə çantasına ehtiyac
var.
Eləcə də müxtəlif tədbirlər və rəsmi görüşlər üçün Marneuli
bələdiyyəsinin simvolu təsvir olunmuş standart 200 çanta
lazımdır", – sadələşdirilmiş müqavilədə qeyd
olunub.
Marneuli meriyası şagirdlərə 300 ədəd çanta almaq üçün fərdi
sahibkar Nukri Kldiaşvili ilə müqavilə bağlayıb. Meriya
Kldiaşviliyə məktəb çantaları üçün 9900 lari ödəyib.
Yerli özünüidarə məktəb/dəftərxana ləvazimatları almaq üçün 6534
lari dəyərində tender elan edib. Tenderdə yalnız bir şirkət, GEOSEM
MMC iştirak edib. Şirkət meriyaya 300 uşağa dəftərxana
ləvazimatlarını 4841 lariyə almağı təklif edib.