Marneuli bələdiyyəsinin yerli özünüidarəsi Tamarisi kəndində Svan
Etnoqrafik Muzeyinin və parkın tikintisi işləri üçün tenderi
dördüncü dəfə, artırılmış vəsaitlə elan edib.
Marneuli meriyası Tamarisidə Svan Etnoqrafik Muzeyi və parkın
tikintisi işlərinin həyata keçirilməsi üçün 681 697 lari dəyərində
ilk tenderi 28 aprel tarixində elan etmişdi. Amma tender mənfi
nəticə ilə başa çatdı. Eləcə də 1
iyun və 28 iyulda elan edilmiş
tenderlər də mənfi nəticə ilə başa çatdı. Həmin tenderlər də eyni
vəsaitlə elan edilmişdi.
Parkın qurulması layihəsində qeyd olunub ki, layihədə Svan
Etnoqrafik Muzeyinin tikintisi də nəzərdə tutulub.
“Layihə Tamarisi kəndində Svan Etnoqrafik Muzeyinin
konstruktiv hissəsini nəzərdə tutur. Layihə təqdim edilmiş
arxitektur hissəsi və geologiya əsasında baş tutub”,
– izahatnamədə deyilir.
Marneuli meriyası 18 sentyabrda Tamarisi kəndində parkın və
etnoqrafik muzeyin tikintisi üçün dördüncü dəfə, artırılmış
vəsaitlə tender elan edib. Yerli özünüidarə işləri 873 847 lariyə
həyata keçirməyi planlaşdırır. Bu isə əvvəlki tenderlərlə
müqayisədə 192 150 lari artıqdır.
Tamarisidə Etnoqrafik Muzey və parkın tikinti işləri üçün tenderdə
iştirak etmək istəyən şirkətlər 4 oktyabrdan 9 oktyabra qədər öz
təkliflərini göndərə bilərlər. Tenderə görə, qalib şirkət işləri
270 gün ərzində həyata keçirməlidir.