Marneulidə, Azərbaycan Evinin həyətində plastik tullantıların
atılması üçün yer açılıb.
Plastik tullantıları zibil qablarına atmaq əvəzinə qeyd olunan
məntəqəyə gətirərək, təhvil verə bilərsiniz.
Toplanan plastik tullantılar Rustavi şəhərində yerləşən plastik
tullantıların təkrar emalı zavoduna təhvil veriləcək.
"Hər birinizi 3 ay ərzində keçiriləcək “Marneuli
plastik tullantılarsız" aksiyasında fəal iştirak etməyə,
tullantıların çeşidlənməsinə, təkrar emala yönləndirilməsinə dəstək
olmağa, eyni zamanda polietilen paketlərdən istifadəni azaltmağa,
ekoloji cəhətdən təmiz çantalardan istifadə etməyə
çağırırıq", – "Yaşıl Düşüncə"nin təsisçisi Gülgün
Məmmədxanova deyir.
Qeyd edək ki, plastikləri qəbul edən məntəqə "3R Marneuli: Think
Green" layihəsi çərçivəsində, təşəbbüs qrupu "Yaşıl Düşüncənin"
təşkilatçılığı, Azərbaycan evinin dəstəyi və "TASO fonudu"nun
maliyyə dəstəyi ilə açılıb.
Onu da qeyd edək ki, "Yaşıl Düşüncənin" təşkilatçılığı ilə
Marneulidə təmizlik aksiyaları da keçirilir. Bu aksiyaya Marneuli
bələdiyyəsinin ictimai məktəbləri də qoşulub. Təşəbbüs qrupu olan
"Yaşıl Düşüncə" gələcəkdə, bələdiyyədə "Marneuli Təmizlik Günü"
kimi qeyd olunması üçün fəal şəkildə çalışırlar.