Marneuli yerli özünüidarəsi Marneuli hərbi şəhərciyində uşaqlar
üçün əyləncə məkanı və Algeti kəndində parkın salınması üçün təkrar
tender elan edib.
Yerli özünüidarə birinci tenderi 18 avqust tarixində elan etmişdi.
Tenderdə yalnız bir şirkət – “Arki Plus” MMC iştirak etmiş və
meriyaya işləri 139 070 lariyə həyata keçirməyi təklif etmişdi.
Amma tender baş tutmamışdı.
Marneuli meriyası ikinci
tenderi 29 sentyabr tarixində elan edib.
Tender sənədlərinə görə, Marneuli şəhərində, hərbi şəhərcikdə
çoxfunksiyalı attraksionun, stol-stulların, yelləncəklərin
quraşdırılması planlaşdırılır. Layihədə həmçinin, kauçuk
piltələrdən örtüyün qurulması, zibil qabının yerləşdirilməsi də
nəzərdə tutulub.
Algeti kəndində parkın tikintisində cığırların salınması, uşaq
attraksionlarının quraşdırılması, zibil qablarının yerləşdirilməsi,
stulların montajı nəzərdə tutulub.
Marneuli meriyası Algeti kəndində parkın salınması və hərbi
şəhərcikdə uşaqlar üçün əyləncə məkanının yaradılması üçün yenə də
150 277 lari xırcləməyi planlaşdırır.
Tenderdə iştirak etmək istəyə şirkətlər 15 oktyabrdan 20 oktyabra
qədər öz təkliflərini təqdim edə bilərlər.