Marneuli yerli özünüidarəsi Opreti kəndindəki içməli su nasos
stansiyasının təmiri üçün fərdi sahibkar Boris Beçvia ilə
sadələşdirilmiş müqavilə bağlayıb.
Sadələşdirilmiş müqavilənin izahatnaməsinə görə, Opreti kəndində su
təchizatı sisteminin nasos stansiyası bir neçə gün ərzində sıradan
çıxıbmış və buna görə də Opreti icmasının sakinlərinə içməli su
verilməyib.
Marneuli bələdiyyəsinin Əmlakın İdarəolunması və Maddi-Texniki
Təminat Xidmətinin rəhbəri tərəfindən Marneuli meriyasına yazılmış
izahatnaməyə əsasən, Opretinin dağlıq icma olmasından, bələdiyyə
mərkəzindən uzaqda yerləşməsindən irəli gələrək, meriya
nümayəndələri əhaliyə alternativ şəkildə içməli su verilməsini
təmin edə bilməyiblər. Məhz buna görə meriya nasos stansiyasının
təmirinə təcili surətdə qərar verib.
“Bildiyiniz kimi, Opretidə kəndlərin – Opreti və
Xoxmelinin su təchizatı sisteminin nasos stansiyası fəaliyyət
göstərir. Həmin stansiya 10 il əvvəl tam istismara verilib və üç
gündür, sıradan çıxıb/yanıb. Biz təmir etməyə çalışsaq da, onu
təmir etmək mümkün olmayıb, buna görə də bir neçə gün Opreti
inzibati ərazi vahidliyinin əhalisinə içməli su verilməyib. Opreti
inzibati ərazi vahidliyinin dağlıq məntəqə və Marneuli şəhərindən
uzaq olması faktı da buna əlavə olunur. Marneuli yerli
özünüidarəsinin öz imkanı daxilində də faktiki olaraq içməli suyun
oraya qədər çatdırılması/verilməsi mümkün deyil. Yaranmış vəziyyəti
təxirəsalınmaz vəziyyət olaraq nəzərə alırıq”, -
sadələşdirilmiş izahatnamədə deyilir.
Marneuli yerli özünüidarəsi fərdi sahibkar Boris Beçviaya mərkəzi
nasosun alınması və quraşdırılması üçün 6000 lari 30 tetri
ödəyib.
Marneuli “Kənd Suları”-nın nümayəndəsi “Marneuli” radiosu ilə
söhbəti zamanı bildirdi ki, Opreti kəndində içməli su stansiyası
artıq təmir olunub və əhaliyə adi rejimdə su veriləcək.