DİN aksiya iştirakçılarına xəbərdarlıq edir ki, parlament ərazisini tərk etsinlər
22:25 / 20.06.2019
Gürcüstanın DİN
bəyanat yayımlayıb.
Nazirlik Parlament qarşısında toplaşmış aksiya
iştirakçılarını polisə tabe olmağa və parlamentin ətraf ərazisini
tərk etməyə çağırıb.
DİN-dən bildirirlər ki, əks halda polis qanunla müəyyən edilmiş
ölçülər götürəcək:
“DİN parlament qarşısında toplaşmış aksiya iştirakçılarını qanun
pozuntusunu dərhal dayandırmağa, təxribatlara uymamağa, polisin
tələbinə tabe olmağa və parlament ərazisini tərk etməyə çağırıb.
Əks halda polis qanunla nəzərdə tutulmuş ölçülər götürəcək” –
nazirliyin yayımladığı bəyanatda deyilir.
Parlament qarşısına toplaşanlar bir neçə vəzifəli şəxsin istefasını
tələb edirlər və parlament binasına girməyə cəhd ediblər.
Bu dəqiqələrdə fəallarla polis arasında qarşıdurma gedir. Yerində
xüsusi təyinatlılar toplaşıb.
“VMH” və “Avropalı Gürcüstanın” liderləri – Nika Melia, Qriqol
Vaşadze və Qiqi Uqulava bir neçə saat əvvəl deyiblər ki, əgər
parlament sədri İrakli Kobaxidze, Daxili İşlər Naziri Qaxariya və
DTX-nın rəhbəri Avxtanq Qomelauri yaxın saatlarda vəzifələrini tərk
edəcəklər, onlar parlament binasını sakit şəkildə tutacaqlar.
İrakli Kobaxidze rəsmi səfərdədir və İmedi tele şirkətinə canlı
bağlantısı zamanı bildirib ki, istefa etməyi planlaşdırmır.
Belə ki, müxalifət liderləri tələb edirlər ki, vaxtından əvvəl
proporsional sistemlə parlament seçkiləri təyin olunsun. Hazırkı
göstəricilərlər proporsional sistemlə seçki 2024-cü ildə
olmalıdır.
Axşam parlament qarşısında aksiya Rusiyanın Düma deputatı Sergey
Qavrilova görə baş verən hadisələrlə bağlı başladı. Rustaveli
prospekti nümayişlərə görə bağlıdır.
Mənbə:
Netgazeti