"Marneuli 18 may tarixində tamamilə açılacaq" – Qaxaria
Hərəkətə qoyulan məhdudiyyət Tbilisidə mayın 11-dən, Rustavi və
Qardabanidə mayın 14-dən, Marneulidə isə mayın 18-dən qaldırılacaq.
Mayın 11-dən Tbilisiyə giriş-çıxışla bağlı bütün məhdudiyyətlər
ləğv ediləcək. Bu barədə Baş nazir Qiorqi Qaxaria Qurumlararası
Koordinasiya Şurası çərçivəsində mövcud olan iqtisadi qrupun
iclasında məlumat verib. Bundan əlavə, onun sözlərinə görə, mayın
14-də Rustavi və Qardabanidə hərəkət bərpa ediləcək, 18 mayda isə
Marneulidə məhdudiyyət qaldırılacaq.
Onun sözlərinə görə, Marneulidəki epidemioloji vəziyyətə görə bir
sıra testlər aparmaq lazımdır, məhz buna görə əlavə vaxt tələb
olunur.
"Bu həm Marneuli, həm də digər bölgələrə aiddir. Hər
bir vətəndaşımızı ictimai yerlərdə sosial məsafəyə riayət etməyə və
maska taxmağa çağırıram, ancaq yaxşı olardı ki, həyatımızın bir
hissəsi olan küçədə də bunlara riayət edək. Bu elə bir məsuliyyət
və öhdəlikdir ki, yüksək risk olmadan iqtisadiyyatımızı sürətli və
səmərəli şəkildə açmağa imkan verir.Bunun çox böyük əhəmiyyəti var.
Bu məhdudiyyətlərə bu günədək necə əməl edirdilərsə, xahiş edirəm
ki, belə də davam edək. Pandemiya ilə mübarizə hələ başa çatmayıb
və tam qalibiyyət üçün yalnız yaxşı epidemioloji vəziyyət deyil,
eyni zamanda ayaqda duran iqtisadiyyata ehtiyacımız
var”, – Qaxaria deyib.
Eyni zamanda, Baş nazirin bildirdiyinə görə, komendant saatı
qüvvədə qalır.