Xəbərlər
Türkiyə sərhədlərini açır, amma hələlik Gürcüstandan Türkiyəyə gedə bilməyəcəksiniz
Türkiyə sərhədlərini xarici vətəndaşlar üçün açır.
Ancaq Gürcüstan vətəndaşları hələ də Türkiyəyə gedə bilməyəcəklər – sərhəddə Gürcüstan hökuməti tərəfindən qoyulmuş məhdudiyyətlər hələ də qüvvədədir.
Türkiyənin Gürcüstandakı səfirliyindən verilən açıqlamada, Türkiyənin İrandan başqa bütün ölkələrlə hava, dəniz və quru sərhədlərini açdığı bildirilir. Ancaq bu qaydaların ləğvi Gürcüstana daxil olmaq və çıxmaq istəyənlərə şamil edilməyəcək.

Türkiyənin Gürcüstandakı səfirliyinin sərhədin açılması ilə bağlı açıqlamasını olduğu kimi təqdim edirik:

"Türkiyə Respublikası Daxili İşlər Nazirliyinin Covid-19 ilə mübarizə aparmaq üçün qəbul etdiyi qaydaların Türkiyə ilə xarici ölkələr arasındakı Türkiyə sərhəd keçidlərinin quru, hava və dəniz marşrutları ilə məhdudlaşdırılması ilə əlaqəli olan hissəsi ləğv olunur.

Türkiyə ərazisinə girən türk və xarici vətəndaşlar sağlamlıq müayinəsindən keçəcəklər. Bu zaman simptomlar aşkarlanarsa və ya zərurət yaranarsa, PCR testi pulsuz aparılacaq. Bu proseslə başlı şərtləri və qaydaları Türkiyə Respublikasının Səhiyyə Nazirliyi müəyyən edəcək.

Yuxarıda göstərilən şərtlərə uyğun olaraq, Türkiyəyə giriş və ya Türkiyədən çıxış Türkiyə Respublikası Səhiyyə Nazirliyi, Türkiyə Respublikası Nəqliyyat və İnfrastruktur Nazirliyi və digər dövlət qurumları tərəfindən həyata keçirilən tədbirlərə uyğun olaraq aparılır.

Eyni zamanda, sərhəd buraxılış məntəqələrinə münasibətdə Gürcüstan tərəfinin qəbul etdiyi məhdudiyyətlər davam edir. Buna görə də Gürcüstandan Türkiyəyə və ya Türkiyədən Gürcüstana girmək istəyən şəxslərin Gürcüstan hökumətinin sərhəd keçidlərində tətbiq etdiyi məhdudiyyətləri nəzərə alması və buna uyğun davranması vacibdir",
– deyə Türkiyənin Gürcüstandakı səfirliyinin açıqlamasında bildirilir.

Koronavirus pandemiyası səbəbindən Gürcüstanın Türkiyə ilə sərhədləri 15 martdan ikitərəfli bağlanıb.

წყარო: batumelebi.netgazeti.ge

FaceBook Twitter Google