“Lelo Gürcüstan Üçün” məlumat xarakterli yürüş keçirdi (FOTO/VİDEO)
13:55 / 30.06.2020
Bu gün, 30 iyun tarixində Lelo partiyasının üzvləri Marneulidə
yürüş keçirdilər.
Aksiyanın səbəbi 1 iyul tarixində Partiyanın Marneulidə yerləşən
qərərgahının rəsmi olaraq açılmasıdır. Açılış, 1 iyul, saat
12:00-da, Rustaveli 49 ünvanında partiya liderləri və “Lelo
Gürcüstan Üçün” partiyasının Marneuli qərərgahının rəhbəri Murad
Muradovun iştirakı ilə baş tutacaq.
Açılışda “Lelo”-nun Marneuli qərərgahının rəhbəri tədbir
iştirakçılarına təqdim ediləcək, gələcək ideyaları haqqında məlumat
veriləcək.
Bugünkü yürüşdə iştirak edən Murad Muradov “Marneuli” radiosu ilə
söhbəti zamanı partiyaya qoşulmasının səbəbləri haqqında danışdı.
Onun sözlərinə görə, aprel ayından başlayaraq partiyanın
görüşlərinə qatılır və partiya liderləri ilə birlikdə müzakirələr
aparırmış. Partiyanın siyası keçmişinin təmiz olduğunu deyən
Muradov bildirdi ki, bu onun partiyaya qoşulması üçün əsas səbəb
olub.
“Partiyaya qoşulmağımın əsas səbəbi odur ki, yeni
partiyadır, siyasi keçmişi təmiz olan və ləkəsiz partiyadır.
Liderlərinin siyasi görüşləri, dünya görüşləri, dəyərləri ilə mənim
dəyərlərim üst-üstə düşür. Buna görə də partiyaya qoşularaq
mübarizə aparmağa qərar verdim.”
Murad Muradovun sözlərinə görə, Lelo partiyası dekabr ayında rəsmi
olaraq qeydiyyatdan keçib. Lakin qısa müddət ərzində reytinq
qazanaraq Gürcüstanın bölgələrində öz ofislərini açıb.
“Lelo baxmayaraq ki, yeni yaranıb amma artıq
Gürcüstanın əsas partiyalarından birinə çevirilib. Əhali arasında
reytinqi olsun, üzvlərinin sayı olsun, liderlərin tanınma
səviyyəsinə görə də ən yüksək və inkişaf edən partiyadır.
Baxmayaraq ki, yarım ildir yaranıb, artıq minlərlə üzvü var. Hər
regionda ofisləri var. Aktivistlər, gənclər qoşulur. Partiyanın
əsas məqsədi Parlament seçkilərində maksimum mandat toplamaq və
hakimiyyəti quracaq əsas partiyalardan biri olmaqdır”,
– M.Muradov dedi.
“Lelo”nun yaranma səbələri mövzusuna toxunan Murad Muradov deyir
ki, 30 dairərinin hər birində öz majoritar namizədləri irəli
sürüləcək. Lakin müxalifət partiyaları öz vahid namizədini irəli
sürərsə, Lelo partiyası həmin namizədə dəstək olmağa çalışacaq.
“Partiyanın məqsədi və ideyası budur ki, 30 dairənin hamısında öz
majoritar namizədini irəli sürsün. Hələlik heç bir açıqlama yoxdur,
amma ideya odur ki, 30 dairənin 30-da da Lelodan majoritar namizəd
irəli sürülsün. Əgər görsək ki, müxalifətin 1 real namizədi var və
bu namizədin qələbə şansı var. Bu halda Lelo həmin namizədi
dəstəkləyə bilər. Amma bu sadəcə bir ideya formasındadır. Lakin 30
dairənin 30-da da Lelonun namizədləri
olacaq.”
Namizəd olduğu halda maksimum səs toplamağa qadir olduğunu deyən
Muradov bildirdi ki, namizədliyinin irəli sürülməsinə hazırdır.
Lakin müxalifət partiyaları vahid namizədini irəli sürdüyü halda o,
həmin namizədin siyasi keçmişi təmiz olarsa, həmin namizədə dəstək
olmağa hazır olduğunu dedi.
“Əgər görsəm ki, ortaq namizəd var və onun siyasi keçmişi
ləkəsizdirsə və real namizəddirsə, mən bu namizədi dəstəkləyə
bilərəm. Müxalifətin hazırda əsas məqsədi odur ki, hakimiyyət
dəyişsin və bu əsas məqsəd uğrunda eqolarımızı qırağa qoyub ortaq
namizədi dəstəkləməliyik”, – Murad Muradov
bildirdi.
Xatırladırıq ki, “Lelo” vətəndaş hərəkatı 12 sentyabr 2019-cu ildə
“TBC Bank”-ın təsisçiləri və keçmiş rəhbərləri Mamuka Xazaradze və
Badri Caparidze tərəfindən təsis olunub.
Warning: Invalid argument supplied for foreach() in /var/www/marneulifm.ge/public_html/templates/default/html/com_content/article/default.php on line 166