Gürcüstanın Baş naziri Qiorqi Qaxarianın sözlərinə görə, hələlik
quru sərhədinin açılması planlaşdırılmır.
Baş nazirin bildirdiyinə görə, hökumət bu məsələ ilə bağlı tələsik
qərar qəbul edə bilməyəcək.
“Quru sərhədlərini açmaq üçün tələsik addım ata
bilmərik və etməyəcəyik. Gürcüstan vətəndaşları üçün quru
sərhəddində nəqliyyat, yük daşınması da təxirə salınmadan həyata
keçirilir. Beynəlxalq, nəqliyyat şirkətləri ilə son dərəcə rahatıq.
Sürücülərin ölkədə qalmaları üçün 72 saat ərzində sağlamlıqlarını
izləyirik. Nəzarət burada olduqca effektivdir, lakin hələ də quru
sərhədlərini geniş açmağı planlaşdırmırıq",– Qaxaria
dedi.