Gürcüstan Prezidenti Salome Zurabişvili bu gün, 20 yanvarda
Brüsselə işgüzar səfər edəcək.
Prezidentin Brüsselə işgüzar səfəri çərçivəsində Aİ və NATO
liderləri ilə görüşlər planlaşdırılır.
Gürcüstan Prezidenti Administrasiyasından verilən məlumata görə,
Salome Zurabişvili Avropa Şurasının prezidenti Çarlz Mişel; Aİ-nin
Xarici İşlər və Təhlükəsizlik Siyasəti üzrə Yüksək Nümayəndəsi,
Avropa Komissiyası sədrinin müavini Cosef Borrell; Avropa
Parlamentinin Prezidenti David Sasoli; Avropa Komissiyasının
iqtisadi məsələlər üzrə icraçı vitse-prezidenti Valdis Dombrovski;
Avropa Parlamentinin Xarici Əlaqələr Komitəsinin sədri David
McAllister və NATO-nun baş katibi Cens Stoltenberə ilə
görüşəcək.
Bundan əlavə, müxtəlif yüksək səviyyəli görüşlər də
planlaşdırılır.