Dünən, martın 8-də Estoniya Xarici İşlər Nazirliyi Gürcüstanın
səfiri Arçil Karaulaşvilini “Xarici təsirin şəffaflığı haqqında”
qanun layihəsinin birinci
oxunuşunda qəbulu ilə bağlı “böyük narazılığını ifadə etmək” üçün
çağırıb. Estoniyanın Xarici İşlər Nazirliyi Urmas Reinsalu bunu
şərh edib:
"Gürcüstan parlamentində birinci oxunuşda qəbul edilən
qondarma xarici agentlər haqqında qanun Gürcüstanda demokratiyanın
perspektivi ilə bağlı ciddi suallar yaradır. Qanun Gürcüstan
hakimiyyətinin Avroya sürətlə inteqrasiya etmək istəyi ilə açıq
şəkildə ziddiyyət təşkil edir. Bu, Atlantik məkan Avropa
dəyərlərinə ziddir və Avropa İttifaqına namizəd statusu üçün zəruri
olan 12 prioritetin yerinə yetirilməsinə qarşıdır.
Qanunun qüvvəyə minməsi müstəqil media və vətəndaş cəmiyyətini
susduracaq və Gürcüstanda Estoniyanın inkişaf əməkdaşlığı
layihələrinin həyata keçirilməsini çətinləşdirəcək. Biz Gürcüstan
parlamentini ölkənin real maraqlarını məsuliyyətlə qiymətləndirməyə
və qanun layihəsini geri götürməyə çağırırıq. Biz həmçinin
Gürcüstan hökumətini insanların dinc etiraz aksiyaları keçirmək
hüququna hörmət etməyə çağırırıq”.
“Azadlıq” radiosu səfirin çağırılması ilə bağlı Gürcüstan Xarici
İşlər Nazirliyi ilə əlaqə saxlayıb. Onların rəyini əldə edən kimi
sizə təqdim edəcəyik.