Rusiyanın “Dojd” telekanalının müxbiri Gürcüstana buraxılmayıb.
Bu barədə telekanalın rəhbəri Yekaterina Kotrikadze Teleqram
paylaşımında bildirib. O, telekanalın jurnalisti Aleksandra
Şvedçenkonun Gürcüstana buraxılmadığını və bununla bağlı ona heç
bir izahat verilmədiyini bildirib.
Yekaterina Kotrikadze qeyd edib ki, Aleksandra Şvedçenko təyyarə
ilə gəldiyi istiqamətdə geri göndərilir.
Yerli KİV-in məlumatına görə fevralın 20-də “Dojd” telekanalının
baş redaktoru Filip Dzyadkonun da Gürcüstanın dövlət sərhədini
keçməsinə icazə verilməyib.