Gürcüstan nümayəndə heyəti Təhsil, elm və gənclərlə iş komitəsinin
sədri Givi Mikanadzenin rəhbərliyi ilə Azərbaycan parlamentində
görüşlərini davam etdirir.
Givi Mikanadze və nümayəndə heyətinin üzvləri Milli Məclisdə
Azərbaycan-Gürcüstan dostluq qrupunun rəhbəri Arzu Nağıyev və
qrupun üzvləri ilə görüşüblər.
Görüşdə Gürcüstan və Azərbaycan arasında dostluq və tərəfdaşlıq
münasibətləri müzakirə olunub. Ölkələr arasında ikitərəfli və
çoxtərəfli əməkdaşlığa diqqət yetirilib. Tərəflər parlamentlərarası
əlaqələrin dərinləşdirilməsindən, dostluq qrupları arasında
əlaqələrin möhkəmləndirilməsindən danışıblar.
Gürcüstan parlamentinin nümayəndə heyətinə Təhsil, elm və gənclərlə
iş üzrə komitənin sədri Givi Mikanadze və komitənin üzvləri Qiorqi
Sosiaşvili və Rostom Çxeidze daxildir.
Bu barədə məlumatı Gürcüstan parlamentinin mətbuat xidməti
yayıb.