Marneuli 1 saylı ictimai
məktəbinin tikintisi üçün artıq bir ildir ki, tender elan
edilir.
Lakin tenderdə iştirak edən şirkətlər hər dəfə diskvalifikasiya
olunurdular. Tenderin dördüncü dəfə elan olunmasından sonra qalib
aşkarlanıb və 1 saylı ictimai məktəbin direktoru Ketevan
Merabişvilinin sözlərinə görə, tezliklə müqavilə bağlanacaq.
Merabişvilinin sözlərinə görə, artıq üç ildir ki, onlar Marneuli 8
saylı ictimai məktəbinin binasına yerləşiblər. Lakin başqa məktəbdə
olmaq onlar üçün çətindir, xüsusilə dərs prosesi günün ikinci
yarısında, saat 3-də başlayarsa. Marneuli 1 saylı ictimai məktəbi
üçün yeni bina tikilənədək onlar növbəti 9 ayı da 8 saylı ictimai
məktəbin binasında keçirməli olacaqlar.
“Marneuli” radiosu