Ümumtəhsil məktəblərinin 30 000-ə qədər pedaqoqunun maaşı artıb
Təhsil, Elm, Mədəniyyət və İdman Nazirliyinin
məlumatına görə, ümumi məktəblərin 30 000-ə qədər pedaqoqu 150 lari
artırılmış maaşı alıb.
“Təhsil sisteminin kompleks islahatı çərçivəsində,
ümumi təhsilin keyfiyyətinin artırılması məqsədi ilə, məktəblərdə
bir çox əhəmiyyətli dəyişikliklər həyata keçirilib. Nazirliyin
strategiyası ilə müəllim peşəsi ölkədə ən nüfuzlu və ən hörmətli
peşələrdən biri olmalıdır və buna nail olmaq üçün daha yüksək
peşəkarlıq və daha çox maliyyə resursu lazımdır.
İslahat çərçivəsində, maaşların artırılması, məktəb pedaqoqların
peşəkarlığının təsdiqlənməsi və statusunun artırılması ilə birbaşa
bağlıdır. Müvafiq olaraq, 2019-cu ilin oktyabr ayından pedaqoqların
maaşlarının artırılması prosesi başlayıb ki, bu proses də 2020-ci
ilə qədər davam edəcək və yekunda müəllimlərin orta aylıq maaşı
1500-1800 lari olacaq.
İlk mərhələdə, əməkdar və aparıcı statusu və 15 saatlıq dərs rejimi
olan müəllimlərin maaşı 150 lari artırılıb”, –
Nazirliyin bəyanatında deyilir.
Tam dərs saatları ilə işləyən müəllimlərin maaşı belə olacaq:
Əməkdar müəllim – 1011 lari, aparıcı müəllim – 1435 lari, mentor
müəllim – 1745 lari.
15 dərs saatından az saatları olan müəllimlərin maaşları isə 100
lari artacaq.
“İlin sonuna qədər statuslarını artıran müəllimlərin
maaşları da müvafiq şəkildə ilin sonuna qədər
artacaq”, – Təhsil Nazirliyindən bildirirlər.