Marneulidə “Nizami Gəncəvi və Şota Rustaveli” adlı tədbir keçirildi (FOTO)
Bu
gün, 31 oktyabr tarixində Marneulidə “Nizami Gəncəvi və Şota
Rustaveli” adlı tədbir keçirildi.
Gürcüstan Azərbaycanlılarının İnteqrasiya Mərkəzinin (GAİM)
təşəbbüsü ilə baş tutan tədbirdə dahi Azərbaycan mütəfəkkiri,
yazıçısı Nizami Gəncəvinin və görkəmli gürcü şairi, yazarı Şota
Rustavelinin həyat və yaradıcılıqlarından söhbət açıldı. Tədbirdə
gənclər gürcü və azərbaycan dillərində dahi şəxsiyyətlərin
əsərlərindən parçalar səsləndirdilər.
Tədbiri giriş sözü ilə açan “Gürcüstan Azərbaycanlılarının
İnteqrasiya Mərkəzi”-nin idarə heyyətinin sədri Murad Muradov
bildirdi ki, bu cür tədbirlər davamlı şəkildə keçiriləcək və hər
iki xalqın dahi şəxsiyyətlərininin həyat və yaradıcılığı haqda
gənclərə məlumat veriləcək.
Daha sonra mərkəzin Azərbaycan dili və ədəbiyyat müəlliməsi Fatma
Əliyeva və gürcü dili ədəbiyyat müəlliməsi Leyla Babayeva çıxışlar
edərək gürcü və azərbaycan dilində ədiblərin həyat və
yaradıcılıqları haqda tədbir iştirakçılarına məlumat verdilər.
"Marneuli" radiosu ilə söhbəti zamanı Murad Muradov bildirdi ki,
gələcəkdə Azərbaycanlı gənclər ilə yanaşı gürcü gəncləri də bu cür
layihələrə dəvət etməyi düşünürlər.
"Biz hesab edirik ki, bu cür tədbirlər azərbaycan və
gürcü dilində təqdim olunsun və hər iki xalq daha da biri-birinə
yaxınlaşsın. Mədəniyyətlər hər iki xalqı daha da biri-birinə yaxın
etsin. Biz düşünürük ki, bu cür tədbirlər davamlı şəkildə həyata
keçirək. Bu cür tədbirlərin keçirilməsi hər iki cəmiyyətin gənləri
dahi şəxsiyyətləri tanımış olurlar və bizdə çalışırıq ki, gənclərə
bu cür təqdim edək", - Murad Muradov dedi.
Tədbirdə Tbilisidən, Marneulidən, Bolnisidən gələn ziyalılar,
tələbələr, şagirdlər, məktəb müəllimləri və maraqlanan şəxslər
iştirak edirdilər.
Tədbirin sonunda Müslüm Maqomayevin baş rolda çəkildiyi "Nizami"
filmindən fraqmentlər nümayiş etdirildi, onun ifasında "Sənsiz"
romanını tamaşaçıların diqqətinə çatdırıldı. "Sənsiz" romanının
bəstəkarı dahi Üzeyir Hacıbəyova, sözləri isə Nizami Gəncəviyə
məxsusdur.
Warning: Invalid argument supplied for foreach() in /var/www/marneulifm.ge/public_html/templates/default/html/com_content/article/default.php on line 166