2020-2021 tədris ili üçün birinci sinfə şagird qəbulu bu gün
başlayacaq və iyunun 1-dək davam edəcək, sənədlərin təqdim olunması
isə iyulun 5-dək mümkündür.
Gürcüstanın Təhsil Nazirliyinin bildirdiyinə görə, koronavirus
pandemiyasının qarşısının alınması məqsədilə, ölkə miqyasında elan
olunmuş fövqəladə hala görə, birinci sinif şagirdləri və onların
valideynlərinin maraqlarını nəzərə alaraq, 2020-2021 tədris ili
üçün birinci sinfə şagird qeydiyyatının yeni tarixləri müəyyən
olunub.
“Birinci sinfə xüsusi təhsilə ehtiyacı olan şagirdlərin
qəbulu ilk mərhələdə baş tutdu, amma ölkədəki fövqəladə vəziyyətlə
bağlı sənədlərin məktəbə təqdim edilməsi vaxtı 24 aprel əvəzinə 5
iyuladək uzadıldı. Xüsusi təhsilə ehtiyacı olan şagirdlərin qəbulu
üçün çoxsahəli dəstənin verdiyi sənəd lazım olmayacaq. Sənədi
vaxtında çatdırılmayan şagirdlərin qeydiyyatı ləğv
olunacaq”, – deyə nazirlikdən bildiriblər.
İkinci mərhələ mayın 11-dən başlayır və 1 iyunadək davam edəcək ki,
sənədlər də bu vaxt ərzində təqdim edilməlidir. Bu mərhələdə
aşağıdakı meyarlara cavab verən uşaqlar birinci sinfə qəbul
ediləcək:
➡ Qardaş-bacısı eyni məktəbdə oxuyanlar;
➡Bir ailədən birinci sinfə qəbul ediləcək iki və daha artıq uşaq
olması halında;
➡ Valideyni eyni məktəbdə işləyən;
Qeydiyyat üçün məktəbə müraciət edilməli və sənədlər də təqdim
edilməlidir.
Üçüncü mərhələ 2-25 iyun tarixlərində baş tutacaq. Sənədləri isə 2
iyundan 5 iyuladək məktəbə təqdim etmək lazımdır. Qeydiyyat
Təhsilin İdarə Edilməsinin İnformasiya Sistemlərinin rəsmi veb
saytında baş tutmalıdır (registration.emis.ge). Bu mərhələdə
qeydiyyatı valideynin/qəyyumun özü etməlidir. Sənədlər 5 iyuladək
təqdim edilmədiyi halda qeydiyyat avtomatik ləğv olunur.
4-cü mərhələ 20 avqustdan 10 sentyabradək olacaq ki, valideyn tələb
olunan sənədlərlə məktəbə müraciət etməlidir və məktəb nəzərdə
tutulmuş yerlərdən boş qalanına bu uşağı qeydiyyatdan keçirə
bilər.
Yeni qaydalara müvafiq olaraq valideynlər sənədi məktəbə müvafiq
elektron poçt vasitəsilə yollamalıdırlar və ya təhlükəsizlik
qaydalarına müvafiq şəkildə məktəbin özünə, məktəb tərəfindən
müəyyən olunmuş həftə günü material şəklində təqdim
etməlidirlər.
Birinci sinfə qəbul üçün lazım olan sənədlərin siyahısı:
Valideynin/qanuni nümayəndənin ərizəsi, şəxsiyyət vəsiqəsinin və ya
Gürcüstanda yaşayış icazəsinin surəti, şagirdin doğum kağızının və
ya şəxsiyyət vəsiqəsinin surəti.
Sənədlər gürcü dilində olmadığı halda qanunvericiliklə müəyyən
edilmiş qaydada notarial şəkildə təsdiq edilməlidir.