Müəllimliyə başlamaq istəyənlər üçün imtahan prosesi bu gün
başlayır. Bu il 12000 nəfər fənn imtahanlarına qeydiyyatdan
keçib.
Müəllimliyə başlamaq istəyənlər bu gün gürcü dili və ədəbiyyat,
riyaziyyat və təbiət fənlərindən imtahan verəcəklər.
İmtahan mərkəzləri paytaxtdan əlavə Batumi, Poti, Zuqdidi,
Ozurqeti, Kutaisi, Axaltsixe, Qori, Rustavi və Telavi şəhərlərində
açılıb.
İmtahanlar koronavirusun qarşısının alınması məqsədilə Səhiyyə
Nazirliyi tərəfindən hazırlanan bütün tövsiyələrə müvafiq şəkildə
keçirilir.
Müəllimlik imtahanları iyulun 30-da başa çatacaq.
Qiymətləndirmə və İmtahanlar Milli Mərkəzinin rəhbəri Sofiya
Qorqodze, 133 saylı Tbilisi İctimai Məktəbində imtahan üçün
qeydiyyat prosesi ilə tanış olub.
“12 000-ə qədər insan qeydiyyatdan keçib. Müraciət edənlərin
kifayət qədər uzun iş vaxtı var - beş saat. Abituriyentlərin işində
tətbiq olunan bütün təhlükəsizlik tədbirləri bu vəziyyətdə də
nəzərə alınıb. Müəllimlər birbaşa iş prosesi zamanı qoruyucu
maskanı çıxara bilərlər.
Müəllimlərlə yanaşı, bu gün fizika və təsviri incəsənətdən
abituriyentlər də imtahan verəcəklər. Həmçinin, qrant müsabiqəsinə
hazırlaşan tələbələrə imtahanın 25 iyul, şənbə günü olacağını da
xatırlatmaq istərdim", - deyə Sofiya Qorqodze əlavə
edib.