Qiymətləndirmə və İmtahnlar Milli Mərkəzinin rəhbərinin sözlərinə
görə, abituriyentlərin verdikləri imtahanlardan iki fənnin
nəticələri bu axşam yayımlanacaq.
Sofia Qorqodze bu barədə Batumidə imtahan mərkəzlərindən birində
ümumi magistr imtahanının gedişi ilə tanış olan zaman bildirib.
"Abituriyentlərin imtahan vərəqləri yoxlanılır və bu
axşam, ehtimal ki, 4-5 saatdan sonra abituriyentlərin cavab
vərəqlərini və nəticələrini riyaziyyat və təsviri və tətbiqi
incəsənət fənləri üzrə yayımlayacağıq. Abituriyentlər öz
nəticələrini bilmələri üçün şəxsi səhifələrinə daxil olmalı və
şəxsi məlumatları daxil etməlidirlər. Həmçinin Geocell və Magti
abunəçiləri 93333 koduna SMS göndərmə yolu ilə də nəticələr
haqqında məlumat əldə edə biləcəklər. Cavab vərəqələri müxtəlif
fənlər üzrə mərhələlərlə yayımlanacaq, yəni bu axşam başlayacağıq
və hər iş günü yeni bir fənnin nəticəsini paylaşmağa çalışacağıq.
Düşünürük ki, bu proses gələn həftə, ehtimal ki, bazar ertəsi və ya
çərşənbə axşamı günü başa çatacaq və bundan sonra abituriyentlər
zəruri hesab etdikləri təqdirdə şikayət ərizəsi ilə müraciət edə
biləcəklər”, – deyə Qorqodze bildirib.
Mənbə: edu.aris.ge