Uşaq bağçalarında qrup halında tərbiyə prosesinə yenidən
başladıqda icazə verilən uşaq sayı müəyyənləşdirilir. Daha dəqiq
desək, bir qrupda hər 5 kvadratmetr üçün 1 uşağa icazə verilə
bilər.
Bu, protokolun işçi versiyasında yazılıb. Sənədə görə, məktəbəqədər
müəssisələr təhsil prosesinə başlaya biləcəklər.
Əmək Şəraiti Təftiş İdarəsinin nümayəndəsi Ketevan Dartsmelianın
“İnterpressNews”-a verdiyi məlumata görə, bu mərhələdə uşaq
bağçalarının nümayəndələri ilə protokolda yazılacaq qaydalarla
bağlı məsləhətləşmələr aparılır.
Eyni zamanda, Ketevan Dartsmelianın sözlərinə görə, başqa bir
tövsiyə isə uşaq bağçalarında dezinfeksiya edilə biləcək
oyuncaqlardan istifadə edilməsi göstərilir.
"Plan üzərində işləyirik, özəl bağçaların nümayəndələrinə də
göndərmişik. 1 uşağa 5 kvadratmetr sahə ayrılmasını planlaşdırırıq,
lakin bu seçim onlara əl vermir və hər 2 kvadratmetrə görə 1 uşağa
icazə verməyi təklif edirlər. Hər 2 kvadratmetr üçün 1 uşağa icazə
verilməsinin nə dərəcədə uyğun olduğunu bilmirəm. Bu mütləq
epidemioloqlarla razılaşdırılmalıdır.
Termoskrininq həm uşaqlar üçün, həmçinin valideynləri və xidmət
işçiləri üçün aparılacaqdır. Temperaturun aşkarlanması halında
davranış qaydaları tətbiq olunacaq.
Uşaqlar bağçalara elə gətirilməlidir ki, axınların gəlmə vaxtları
bir-birinə uyğun gəlməsin. Bayırda gəzərkən uşaqlar elə bir şəkildə
oturmalıdırlar ki, bir qrup gəzintini tamamladıqda, digər qrup
çıxsın.
Dezinfeksiya vacibdir. Dezinfeksiyaedici məhlul ilə təmizlənəcək
oyuncaqlar istifadə edilməlidir. Bu çox vacibdir. Bu tövsiyələr
bağçalar işə başlamazdan əvvəl hazır olacaq, lakin hələlik bu
sənədin iş versiyası var, həm biz, həm də bağçaların nümayəndələri
işləyəcəyik, epidemioloqlar da cəlb ediləcək", – deyə
Ketevan Dartsmelia bildirib.