Milli Qiymətləndirmə və İmtahan Mərkəzi 2021-ci il qəbul
imtahanlarında olacaq dəyişikliklərlə bağlı məlumat yayıb.
Yayılan məlumata əsasən, 2021-ci ildə Vahid Milli İmtahanların
imtahan proqramları və tapşırıq növləri dəyişməz olaraq qalacaq.
Bir neçə fəndə yalnız imtahan müddəti və maksimum bal azalacaq.
Dəyişiklik riyaziyyat, kimya və fizika testlərini əhatə edəcək.
2021-ci ilin riyaziyyat testində 35 (27 qapalı və 8 açıq) tapşırıq
olacaq, maksimum bal isə, 59-dan 51-ə endiriləcək. Açıq tapşırıqlar
iki ikiballıq, dörd üçballıq və iki dördballıq suallardan ibarət
olacaqdır. Test üçün ayrılan vaxt 3 saat 40 dəqiqə əvəzinə 3 saat
olacaq və minimum hədd ən azı 11 bal olacaq (ali təhsil
müəssisələri daha yüksək hədd təyin etmək hüququna malikdir).
Fizika və kimya testləri üzərində işləmək üçün 3 saat 40 dəqiqə
əvəzinə 3 saat ayrılacaq və maksimum bal 75 bal əvəzinə 63 olacaq.
Digər fənlərin testlərində dəyişikliklər planlaşdırılmır.