"Quruculuq Strategiyası"-nın lideri Qiorqi Vaşadze 20 iyun
hadisələri ilə bağlı əfv sərəncamının hazırda vəzifə
səlahiyyətlərindən sui-istifadədə ittiham olunan polislərə də şamil
olunacağından narahatdır.
Vaşadze "VMH"-nin sədri Nika Melianı azad etmək üçün amnistiyadan
başqa yol olmadığını qeyd edib və bu səbəbdən 20 iyun hadisələri
nəticəsində zərərçəkənlərə dəstəyini vurğulayıb.
Eyni zamanda Vaşadze əfvin yalnız hazırda istintaqı davam edən
işlərə şamil olunacağını da bildirib.
"Parlamentin reqlamenti ilə mümkün qədər qısa müddətdə
Parlament əfv haqqında qanun qəbul edəcək, bundan sonra Nika Melia
həbsxanadan azad ediləcək. Təəssüf ki, onun azadlığa buraxılması
üçün yeganə yol budur, başqa heç bir çıxış yolu yoxdur. Buradan
Mako Qomuriyə və 20 iyun hadisələri nəticələrindnə zərər çəkənlərə
səmimi dəstəyimi bildirmək istəyirəm. Səmimi qəlbdən hər birinizə
demək istəyirəm ki, sona qədər sizin yanınızda olacağıq və
gələcəkdə bu məqsədlə bir çox məsələni mütləq həll edəcəyik.
Maraqlarınızı tam nəzərə almağa çalışacağıq, bu barədə müzakirə
etməyə və danışmağa hazırıq", – Vaşadze qeyd
edib.
Avropa Şurasının prezidenti Şarl Mişelin vasitəçiliyi ilə
hazırlanan razılaşma sənədinin bəndlərindən birinə görə, 19-21 iyun
2019-cu il etirazları ilə əlaqədar bütün pozuntu və həbsləri əhatə
edəcək amnistiya tətbiq edilməlidir.
"Gürcü Arzusu" birbaşa əfv sərəncamının Nika Melia və bu işdə
zorakılıqda ittiham olunan digər şəxslərə, habelə qanun
pozuntularına yol verən hüquq-mühafizə orqanlarına tətbiq edilməli
olduğunu qeyd edib.
Mənbə: Netgazeti