"Bu ilin yanvar-avqust aylarında sınaq rejimində
fəaliyyət göstərən Bakı-Tbilisi-Qars dəmir yolu vasitəsilə daşınan
yüklərin həcmində 56,4 % artım qeydə alınıb".
Bu barədə Gürcüstanın iqtisadiyyat və dayanıqlı inkişaf naziri
Natia Turnava məlumat verib.
Nazir bildirib ki, dəmir yolu xətti tam istismara veriləndən sonra
ondan daha yaxşı istifadə mümkün olacaq:
“İştirakçı
ölkələr layihənin yaxın zamanlarda başa çatdırılılması üzrə
səylərin fəallaşdırılmasına dair razılıq əldə ediblər. Biz həmçinin
prosedurların sadələşdirilməsini də razılaşdırdıq. Bu da öz
növbəsində marşrut ilə yük axınlarının artmasına imkan
verəcək”.
Qeyd edək ki, ötən gün İstanbulda Gürcüstan, Türkiyə və Azərbaycan
arasında BTQ ilə bağlı birgə protokol imzalanıb.
Mənbə: report.az