Marneuli ictimai məktəblərində yay tətili 15 iyundan başlayacaq.
12-ci siniflər üçün məktəb nisbətən tez, 20 may tarixində başa
çatır.
Birinci siniflər isə 27 may tarixində tətilə çıxacaqlar. Yerli
Təhsil Resurs Mərkəzinin nümayəndəsi İrma Davadzenin sözlərinə
görə, 2021-2022-ci tədris ilində Marneuli təhsil müəssisələrində 1
265 nəfər 12-ci sinif şagirdi üçün son zəng çalınacaq.
Qeyd edək ki, şagirdlər tədris ilinin sonuna yaxın ekskursiyalara
gedirlər. Koronavirusa görə, təxminən iki il belə turlar qadağan
idi. Təhsil Nazirliyinin məlumatına görə, məktəblər yalnız bir
günlük ekskursiya təşkil edə bilərlər. Şagirdlərin gecəni qalmaqla
şəhəri tərk etməsi isə qadağandır. Elm və Təhsil Nazirliyindən
“İnterpressnews”-a verilən məlumata görə, ekskursiya yeri elə
seçilməlidir ki, məsafə məktəbdən həmin yerə qədər 150 km-dən artıq
olmasın.
Bundan əlavə, ümumtəhsil müəssisələri üçün nazirlik tərəfindən
müəyyən edilmiş tövsiyələrə görə, ekskursiya zamanı yetkinlik
yaşına çatmamışların çay, su anbarı, təhlükəli ərazilərə
aparılmaması mühümdür.
Ekskursiyada iştirak edən yetkinlik yaşına çatmış şəxslər arasında
ilkin tibbi yardım göstərmək bacarığı olan bir nəfər olmalıdır.