“Davit Ağmaşenebeli adına Məktəb-litseyin” şagirdləri və məktəb
rəhbərliyi Mareulidən sonra etiraz aksiyası keçirmək üçün Tbilisiyə
müraciət ediblər.
Şagirdlər banerlərlə Gürcüstan Elm və Təhsil Nazirliyinin Milli
Təhsil Keyfiyyət Mərkəzinə gediblər və məktəbin fəaliyyətini davam
etdirməsini tələb ediblər.
1 mart tarixində, Marneuli Təhsil-Resurs Mərkəzinin qarşısında özəl
məktəbin bağlanmasına görə, etiraz aksiyası keçirilib. Şagirdlər,
valideynlər, müəllimlər və təhsil administrasiyası hesab edir ki,
“Davit Ağmaşenebeli adına Məktəb-Litsey”-in avtorizasiyası
ədalətsiz şəkildə ləğv olunub.
“Davit Ağmaşenebeli Məktəb-litseyi” 2010 ildə təsis
edilib. Təsis olunduğu gündən məktəb Təhsil Keyfiyyətinin İnkişaf
Mərkəzi tərəfindən həyata keçirilmiş avtorizasiya və monitorinqdən
uğurla keçdi. Şura tərəfindən cari ilin 27 fevralında qəbul edilmiş
qərar ədalətsiz, siyasi motivlidir. Davit Ağmaşenebeli
Məktəb-Litseyinin tərkibində olan başqa məktəblərin ətrafında son
beş il ərzində baş vermiş hadisələt prosesin siyasi xarakterli
olduğunu təsdiq edir. 2016 ildən eyni yolla Dəmirəl adına özəl
kollec, Batumi Məktəb-Litseyi, Nikoloq Tsereteli adına Beynəlxalq
Məktəb və Şota Rustaveli adına məktəb-litseyin avtorizasiyası ləğv
olundu”, - məktəbin direktor müavini Lamzira Xuntadze
bildirir.
Özəl məktəbdə həyata keçirilmiş monitorinq zamanı aşkarlanan
pozuntulara görə, təhsil prosesi 8 mart tarixində dayandırılacaq.
Məktəbin direktor müavini qərarın ədalətsiz olduğunu hesab edir və
“məktəbin bağlanmasının siyasi məsələ” olmasından şübhələnir. O,
hesab edir ki, məktəbdə aparılan növbədənkənar monitorinq və
ekspert qrupunun nəticədə qeyd etdiyi çatışmazlıqlar məktəbin
fəaliyyətinin dayandırılmasına səbəb olmamalıdır.