Naxçıvanda keçiriləcək "Gənclərinin IV Yay Düşərgəsinə" qeydiyyat başlayıb (VİDEO)
15:37 / 03.04.2023
Azərbaycan Respublikasında 2023-ci ilin “Heydər Əliyev İli” elan
edilməsi ilə əlaqədar qədim Azərbaycan torpağı olan Naxçıvanda
2023-cü ilin 12-18 avqust tarixlərində
Diasporla İş üzrə Dövlət Komitəsi və Heydər Əliyev Fondunun birgə
təşkilatçılığı ilə “Heydər Əliyev – 100 Diaspor Gənclərinin IV Yay
Düşərgəsi” təşkil ediləcəkdir.
Bu barədə məlumatı Azərbaycan Respublikasının Diasporla İş üzrə
Dövlət Komitəsi məlumat yayıb.
Məlumata görə, dünyanın müxtəlif ölkələrində yaşayan azərbaycanlı
və Azərbaycana dost münasibət bəsləyən digər xalqların gənclərini
bu yay düşərgəsində iştirak etməyə dəvət olunurlar.
“Düşərgənin proqramına Naxçıvanın tarixi və mədəni
abidələri ilə tanışlıq, şəhid ailələrinin üzvləri və qəhrəman
qazilərimizlə, həmçinin müxtəlif sahələr üzrə ekspertlərlə
görüşlər, eləcə də gənclər üçün əyləncəli proqramlar, intellektual
oyunlar daxildir.
Digər düşərgələrdə olduğu kimi, bu düşərgədə də gənclər ilk növbədə
Azərbaycanla bağlarını daha da möhkəmləndirəcək, ölkəmizi uğurla
təmsil etmək bacarıqları, şəbəkələşmək, yeni dostlar qazanmaq
imkanları əldə edəcəklər.
Düşərgədə yaşı 18-29 arası, Azərbaycan dilində ünsiyyət bacarığı
olan gənclər iştirak edə bilər. Bundan əvvəl təşkil edilmiş
düşərgələrdə iştirak etmiş gənclərin təkrar iştirakı nəzərdə
tutulmur, iştirak xərcləri (yol xərcləri, viza, yerləşmə, qidalanma
və s.) tam şəkildə qarşılanacaq”, – məlumatda qeyd
olunub.
Düşərgədə iştirak etmək üçün gənclər 1 iyun 2023-cü il tarixinə
qədər www.diaspor.gov.az/qeydiyyat
səhifəsində yerləşdirilmiş onlayn anket formasını tam olaraq
doldurub göndərməlidirlər. Seçim prosesi müraciətlərin qəbulu və
video müsahibələrin keçirilməsi üzrə iki mərhələdə aparılacaq.
Əlavə məlumat üçün:
E-mail:
CLOAKING
Tel.: +994 12 493 10
54
Mob.: WhatsApp: +99450 762 25
95